Cadete masculino: Mercedarias 62 - 33 C.B. Arteixo

Partido correspondente á 16ª xornada da 2ª división cadete masculino, disputado o sábado ás 12:00 horas no Pavillón do Colexio Mercedarias de Ferrol.

62 - 33  (15-9 / 15-10 / 12-12 / 20-2)

Estupendos tres primeiros periodos dos xogadores de Iván García na súa visita a Ferrol.

Gran defensa do 1x1, pechando moi ben o rebote defensivo. Non se puido correr todo o que querían os arteixáns, pero no ataque buscábanse boas opcións e cometíanse poucos erros graves. Se ben, como case sempre, eses poucos erros eran moi castigados polos ferroláns.

En calqueira caso, entrouse no último periodo só 11 puntos por debaixo (42-31) ante un dos equipos punteiros da liga, e con opcións de entrar aínda máis no partido. Pero incriblemente, os arteixáns desapareceron da pista tanto no ataque como na defensa, o que lles costou un parcial en contra de 20-2.

Lástima de final, xa que as sensacións ata ese último periodo foron inmellorables.

C.B. Arteixo

Fabio, Saúl, Fran, Daniel, Zas, Jacobo, Mario, Hugo, Jose e Carlos

Adestrador: Iván García

A vindeira fin de semana, o C.B. Arteixo disputará o seu partido contra o C.B. Laracha o venres 20 de marzo ás 18:00 horas no Pazo dos Deportes de Arteixo.