Cadete masculino: C.B. Arteixo 47 - 40 C.B. Laracha

Partido correspondente á 17ª xornada da 2ª división cadete masculino, disputado o venres ás 18:00 horas no Pazo dos Deportes de Arteixo.

47 - 40  (13-11 / 11-7 / 7-13 / 16-9)

Partido complicadísimo para os arteixáns o disputado contra o C.B. Laracha.

Non estiveron a gusto en ningún momento os arteixáns ante a defensa zonal plantexada polo equipo rival.

Tampouco puideron realizar o seu xogo de contraataque e na defensa de 1x1 sufríase moitísimo.

Aínda así, o peso do partido foi levado sempre polos de Arteixo, que tiveron cómodas vantaxes entre os 7 e os 9 puntos ó seu favor.

Pero o peor estaba por chegar... No último periodo os de Laracha chegaron a empatar o partido e os ánimos destes parecían moi por encima dos arteixáns.

Sen embargo, apareceu o carácter do equipo local, que xogou os seus mellores minutos do partido, axustando por fin a súa defensa e poñendo criterio no ataque para por fin rematar gañando o partido sen máis sufrimentos.

C.B. Arteixo

Fabio, Fran, Daniel, Zas, Jacobo, Mario, Hugo, Jose e Carlos

Adestrador: Iván García

A vindeira fin de semana, o C.B. Arteixo disputará o último partido da liga contra o Liceo La Paz o sábado ás 16:00 horas no Pavillón do Colexio Liceo La Paz de A Coruña.