Senior 4ª división: Vintage 67 70 - 48 C.B. Arteixo

Partido correspondente á primeira xornada do Grupo A-3 da 4ª división masculino, disputado o domingo ás 10:00 horas no Pavillón de Os Rosales de A Coruña.

70 - 48  (14-12 / 27-12 / 11-15 / 18-9)

Comezaba o partido cos arteixáns dormidos, xogando ó ritmo que lles interesaba ós locais. Ós dous minutos, aumentaba a intensidade dos arteixáns sobre todo na defensa, provocando unha pequena brecha de 6 puntos. Tras tempo morto, os locais dábanlle pouco a pouco a volta ó marcador grazas ós tiros libres provocados polas faltas visitantes (14-12)

No segundo periodo chegou a debacle dos arteixáns, pasivos na defensa e no rebote e con pouca circulación de balón ante a zona local fixeron que a vantaxe se disparase no marcador, chegando ós 17 puntos ó descanso (41-24)

Á volta do descanso, cambiou a imaxe dos arteixáns. Aumentaron o nivel defensivo cunha defensa individual a toda pista, saíndo con velocidade ó contraataque sen deixar que se formase a defensa local. A falta de 3 minutos para rematar o periodo foron descalificados M. García e Arkaitz. Despois dunha falta cometida por Arkaitz, foi agarrado e empurrado por García e tras pedirlle explicacións Arkaitz encarándose con el, os colexiados descalificaron ós dous xogadores. Os de Arteixo conseguiron non perder o nivel de xogo mostrado despois do incidente, rebaixando a diferenza no marcador ós 13 puntos (52-39)

No último periodo, os arteixáns seguiron rebaixando a vantaxe durante os primeiros minutos, pero a falta de acerto volveu ó lanzamento, facendo que os locais ampliasen a vantaxe ata os 22 puntos finais (70-48)

Por parte de Vintage 67 xogaron Núñez (6), Carredeguas (0), Lijs (21), Castillo (0), Sarasola (19), Méndez (0), García (9), Oxinalde (3), Domínguez (12) e Fragueiro (0)

Adestrador: I. Pena

Por parte do C.B. Arteixo xogaron Cotelo (6), Juan (2), Manu (4), Pavo (6), Víctor (13), Arkaitz (8), Dylan (4), Pablo (4), David (0) e Dany (1)

Adestrador: Germán Lozano

A vindeira fin de semana, o C.B. Arteixo xogará contra o ACB Costa da Morte o domingo ás 19:00 horas no Pazo dos Deportes de Arteixo