Senior 2ª división: C.B. Arteixo 44 - 70 Compañía de María

Partido correspondente á 13ª xornada da 2ª división senior masculino, disputado o domingo ás 12:00 horas no Pazo dos Deportes de Arteixo

44 - 70  (10-11 / 10-28 / 12-14 / 12-17)

Nova derrota , bastante dolorosa, ante un dos rivais directos da clasificación, que nos deixa a dous partidos máis o average.

Comezou ben o partido para os de Arteixo, cun parcial de 6-0 pero os visitantes cunha forte presión sobre o balón, foron recuperando terreo pouco a pouco para acabar o periodo cun punto de vantaxe no marcador (10-11)

O segundo periodo continúa igualado, con moitos erros por parte dos dous equipos ata que no minuto 7 se produce unha xogada que marcaría o partido. Os colexiados sinalan unha falta técnica e despois unha descalificante a Álex Antelo, que non só da 4 tiros libres e posesión, senón que deixa ós locais, xa mermado no número de xogadores, cun xogadore menos. Os de Arteixo desconcéntranse e reciben un parcial de 0-16 neses tres minutos, deixando sentenciado o partido ó descanso (20-39)

Despois do descanso, volve a igualdade ó partido, aínda que os dous equipos seguen a fallar gran cantidade de lanzamentos, perdendo tamén posesións continuamente. Os de Arteixo conseguen colocarse a 12 puntos, pero o aumento da intensidade por parte dos visitantes iguala o parcial do cuarto e deixa a diferenza clara para Compañía (32-53)

No último periodo, os locais van aumentando a súa frustración pouco a pouco ó ver que a diferenza, e o xogo, non melloran. Así chégase ó final con 26 puntos de desvantaxe (44-70)

Despois deste resultado, a clasificación complícase moito para os de Arteixo, á espera de recuperar xogadores e poder mellorar o xogo do equipo.

Por parte do C.B. Arteixo xogaron Darío (0), Alex Ocampos (6), Alex Antelo (6), Manu Pedreira (8), Rober Vilariño (15), Ramón (5), Manu Rey (0) e Fabián (4)

Adestrador: Fran Lozano

Por parte do Compañía de María xogaron Pavón (0), Paz (14), Aldrey (4), Arce (10), Isequilla (3), Savio (12), Zas (8), López (12) e Rey (7)

Adestrador: Manuel López

A vindeira fin de semana, o C.B. Arteixo visitará ó Arzúa-La Salle o sábado ás 20:00 horas no Pavillón do Colexio La Salle de Santiago.