Partido correspondente á 14ª xornada da 2ª división senior masculino, disputado o sábado ás 20:00 horas no Pavillón do Coleixo La Salle de Santiago
75 - 62 (21-15 / 18-11 / 23-16 / 13-20)
Comezaba o partido con bovas novas para os de Arteixo, voltaba David ás pistas case recuperado da súa enfermidade que o tivo fóra do equipo dende o Nadal, Guille Conchado despois de dúas semanas e Rober Garnelo; pero contábase coa baixa de Álex Antelo por sanción.
No referente ó xogo, comezamos ben o periodo, mantendo a igualdade nos primeiros minutos, anque xa se empezaba a ver que ía haber dificultades para manter o poderío físico dos locais. Varias perdas de balón (gran problema do equipo) dábanlle as primeiras vantaxes ós locais ó final do primeiro periodo (21-15)
No segundo periodo, o xogo de ataque baixou en fluidez e só se lograron anotar 11 puntos. Continuaban as perdas de balón e os despistes na defensa que provocaban contraataques cómodos para os locais, que aumentaron a súa vantaxe ata os 13 puntos ó descanso (39-26)
Á volta do descanso, dúas triplas meteron de novo ós de Arteixo no partido, pero a superioridade local baixo os tableiros fixeron que se escapasen case definitivamente no marcador ó remate do periodo (62-42)
No último periodo, os arteixáns non se deixaron levar e xogaron cunha boa intensidade buscando situacións de xogo boas, conseguindo recortar a diferenza no marcador e gañando o parcial do periodo por 13-20, deixando o marcador final en 75-62.
Por parte do Arzúa-La Salle xogaron Rodríguez (5), González (2), Barreiro (8), Castro (13), Barros (3), Álvarez (15), Gómez (7), Molina (20) e Cao (2)
Adestrador: A. Suárez
Por parte do C.B. Arteixo xogaron Rober Garnelo (14), Alex Ocampos (16), Guille (6), manu Pedreira (4), Rober Vilariño (12), Ramón (8), David (2), Darío (0), Manu Rey (0) e Fabián (0)
A vindeira fin de semana, o C.B. Arteixo disputará o seu partido contra o Carballo Basket o domingo ás 12:00 horas no Pazo dos Deportes de Arteixo
No hay comentarios:
Publicar un comentario