Partido correspondente á 9ª xornada da 4ª división masculina, disputado o domingo ás 19:00 horas no Pavillón Municipal de Cee.
57 - 47 (14-6 / 19-15 / 14-16 / 10-10)
Comezaron os de Arteixo poñendose por diante no marcador cun 2+1 de Víctor, o que facía presaxiar unha gran intensidade no ataque e na defensa dos arteixáns, pero nada máis lonxe da realidade. A defensa de 1x1 non era efectiva e o ataque non conseguía boas opcións de lanzamento, o que provocou que os locais se despegasen no marcador a base de aproveitar os 1x1 (14-6)
No segundo periodo, axustábase a defensa e o ataque era máis productivo, pero os locais seguían a dominar o marcador. Varios desaxustes defensivos despois de colocarnos a 3 puntos, fixeron que a vantaxe local medrase de novo ata os 12 puntos ó descanso (33-21)
Na segunda metade, os locais descenderon un pouco a súa intensidade e os de Arteixo gañaron o periodo, pero o xogo despregado por uns e outros xa dicía que os locais podían ser capaces de levarse o partido, xa que as diferenzas non baixaron dos 6 puntos (47-37)
O último periodo foi un quero e non podo dos arteixáns, moi desacertados no ataque, non conseguían rebaixar as diferenzas. Os locais xogaban dominando o ritmo de xogo que lles conviña para aproveitar os 1x1 interiores de Pais e as penetracións de Vázquez. Finalmente 10 puntos de diferenza a favor dos locais, que non remontan a diferenza de puntos do partido de ida.
Por parte do ACB Costa da Morte xogaron Pereira (9), L. Martínez (1), Suárez (2), Vázquez (19), Olveira (0), S. Martínez (8) e Pais (18)
Adestrador: Ramón Trillo
Por parte do C.B. Arteixo xogaron Cotelo (3), Juan (7), Juan Carlos (6), Manu (1), Pavo (4), Víctor (13), Arkaitz (1), Dylan (1), Pablo (5), David (1) e Dany (5)
Adestrador: Germán Lozano
A vindeira fin de semana remata a primeira fase da liga, o C.B. Arteixo recibirá o domingo ás 19:00 horas no Pazo dos Deportes de Arteixo ó Filloa Jazz.
No hay comentarios:
Publicar un comentario