Senior 2ª división: Caferlo Viveiro 70-48 C.B. Arteixo

Partido correspondente á 12ª xornada da 2º división senior masculina, disputado o sábado ás 18:00 horas no Pavillón Municipal de Viveiro.

70 - 48  (21-11 / 18-11 / 14-17 / 17-9)

Volvía o equipo á competición despois da xornada de descanso, e a tarefa non era doada. Esperábanos o Caferlo Viveiro, terceiro clasificado, e chegábamos nunha situación con poucos xogadores dispoñibles, tendo que botar man do equipo junior e do senior de 4ª división.

O partido comezou con clara vantaxe interior e no rebote por parte dos locais, que pouco a pouco ían collendo distancia no marcador, axudados tamén polo desacerto arteixán dende a liña de tiros libres. Chegouse ó remate do periodo con vantaxe de 10 puntos para os locais (21-11)

No segundo periodo comezaron ben os de Arteixo, pero pouco a pouco o cansanzo comeza a facer que a toma de decisións non fose a adecuada. Os locais aproveitáronse desto, máis frescos e intensos, para aumentar a diferenza no marcador ó descanso (39-22)

Á volta do descanso chegaron os mellores momentos dos arteixáns, os locais baixaron un pouco o ritmo e o partido igualouse, aínda que os tiros libres seguen lastrando ó equipo. Ó final, aínda que que se conseguiu gañar o parcial do periodo, a diferenza segue a ser elevada (53-39)

O último periodo volve a poñer ós locais coa intensidade da primeira metade, provocando perdas de balón nos arteixáns que rematan en contraataques fáciles para os locais, os cales chegan a situarse con vantaxes de 30 puntos. Co paso dos minutos, os de Arteixo conseguen reducir a diferenza ata chegar ós 22 puntos finais (70-48)

Por parte do Caferlo Viveiro xogaron Franco (0), Ferro (5), Castro (1), Martínez (23), Gómez (2), Oroza (23), Piñón (8), Neira (2), Souto (3) e Crespo (0)

Adestrador: Carlos Novo

Por parte do C.B. Arteixo xogaron Rober GArnelo (4), Alex Ocampos (12), Manu Pedreira (8), Rober Vilariño (9), Ramón (4), Juan (5), Manu Rey (3) e Fabián (3)

Adestrador: Fran Lozano

A vindeira fin de semana o C.B. Arteixo disputará o seu partido contra o Compañía de maría de Santiago o domingo ás 12:00 horas no Pazo dos Deportes de Arteixo.