Junior: C.B. Arteixo 25 - 51 Norinver Narón

Partido correspondente á 10ª xornada da 2ª división junior masculino disputado o domingo ás 17:00 horas no Pazo dos Deportes de Arteixo.

25 – 51  (7-14 /9 -10 / 4-17 / 5-10)

Comezaba o partido con imprecisións por parte de ámbolos dous equipos no ataque. Erros locais baixo o aro e no rebote defensivo provocaban que a intensidade visitante lles dese as primeiras vantaxes no marcador (7-14)

No segundo periodo, a falta de acerto dos arteixáns seguía a marcar o partido, os visitantes tampouco estaban moi acertados, pero mantiñan a diferenza no marcador pese ós esforzos dos arteixáns por xerar vantaxes no 1x1. Chegouse ó descanso con 8 puntos de vantaxe para os de Narón (16-24)

Á volta do descanso, a defensa dos arteixáns seguía a ser intensa e correcta, mentres que no ataque o acerto brillaba pola súa ausencia. 5 triplas consecutivas dos visitantes ante a boa defensa local, dinamitaron o partido e o deixaron case sentenciado (20-41)

O último periodo comezaba con outra tripla visitante, o que minaba por completo a moral dos arteixáns, os cales seguían incapaces de manter un certo nivel de acerto de cara ó aro. Os visitantes volvían ó acerto da primeira metade, polo que a diferenza no marcador non se disparaba en demasía e non facía máis sangue nos de Arteixo (25-51)

Por parte do C.B. Arteixo xogaron Darío (1), Natahel (1), Diego Felípez (1), Juanlu (0), Miguel (5), Leo (0), Iván (2), Edu (1), Eloy (0), Diego Pérez (12) e Fabián (2)

Adestrador: Germán Lozano

Por parte do Norinver Narón xogaron S. Pena (2), A. Fernández (6), D. Rodríguez (2), J. Pena (3), Durán (3), Teijeiro (7), A Fernández (3), Castro (3), M. Rodríguez (4), Balsa (14) e Torrejón (4)

Adestrador: Juan Pérez

A vindeira fin de semana, o C.B. Arteixo visitará ó Ferrol C.B. o sábado ás 17:00 horas no Polideportivo Municipal de A Malata de Ferrol.