Cadete: C.B. Arteixo 36 - 45 C.B. As Pontes

Partido correspondente á 11ª xornada da 2ª división cadete masculino, disputado o domingo ás 12:00 horas no Pazo dos Deportes de Arteixo.

36 – 45  (7-6 / 9-15 / 10-15 / 10-9)

Comezaba o partido moi igualado a ámbolos dous lados do campo, cunha boa defensa pero un ataque un tanto frouxo, o que provocou que o resultado do primeiro periodo fose só de 7-6 a favor dos de Arteixo.

No segundo periodo, os de Arteixo saíron cunha páxara na cabeza. Non había intensidade no ataque nin na defensa, o que facilitaba que o equipo visitante se puxese por diante no marcador e dominase o ritmo de xogo, chegándose ó descanso cun 16-21 no marcador.

Despois do descanso, os arteixáns saían negados de cara ó aro, tendo que lanzar moitas veces para poder anotar. Pola súa banda, os de As Pontes aproveitaban os rebotes ofensivos para distanciarse no marcador ata chegar ós 10 puntos de vantaxe ó final do periodo (26-36).

No último periodo, un arranque de intensidade dos locais fixo que se colocasen a 3 puntos no marcador, pero a falta de acerto e os tiros libres dos visitantes sentenciaron o partido, deixándoo en 9 puntos de diferenza (36-45)

Por parte do C.B. Arteixo xogaron Víctor, José, Miguel, Jonathan, Javier, Antón, Adrián Ponte, Adrián Vázquez, Adrián Zas, Carlos e Mario.

Adestrador: Arkaitz García

Por parte do C.B. As Pontes xogaron Verez, Allegue, Fraguío, Pico, Roque, Paros, Rial, Orejas, Ramos e Caluo

Adestrador: Vicente Seoane

A vindeira fin de semana, o C.B. Arteixo xogará contra Compañía de María de A Coruña o sábado ás 16:00 horas no Pavillón do Colexio Compañía de María.