Infantil feminino 2ª división: C.D. Los Rosales 20 - 31 C.B. Arteixo

Partido correspondente á 7ª xornada de liga, disputado o sábado ás 11:15 horas no Pavillón de Elviña II.

Comezaba o partido sen a presenza do árbitro, asumindo as súas funcións de Nicolás, do equipo C.D. Los Rosales.

Un partido caracterizado pola intensidade de ambos equipos. O primeiro cuarto tivo un parcial igualado

(6-6).

Calquera dos dous equipos saiu cunha defensa intensa, aínda que os erros en pases e en canastas baixo o aro das xogadoras de Andrea Álvarez foi moi notable. O C.B. Arteixo non estaba moi acertado no tiro de dous. 

Apenas se penetraba cara aro, polo que complicaba máis o xogo, mentras que os erros en pases ían aumentando.

O segundo cuarto xa foi máis doado, tanto en ataque como en defensa. Mostraron, as xogadoras do C.B. Arteixo unha defensa intensa a partires de medio campo, dificultando o ataque do C.D. Los Rosales. 

Os erros ían a menos, penetrouse máis e houbo un bo xogo interior. (2-14).

Tras o descanso, notouse un importante baixón no xogo das xogadoras de Andrea. Volveron os erros en pases, unha defensa moi frouxa o que permitiu un bo ataque con canastas de dous para as contrarias e, sobre todo, os erros na subida do balón. Todo isto tivo como consecuencia un parcial negativo para o C.B. Arteixo, 10-5.

Xa no último cuarto, fixeron un esforzo por marcar algo máis de diferenza no marcador. Destacou a boa defensa defensiva e ofensiva, conseguindo rebotes e anotando baixo o aro, desta vez non houbo tantos problemas para levar o balón a campo ofensivo, permitindo xogar 'comodamente'. Finalmente, o parcial deste último cuarto foi 2-6 a favor das xogadoras do C.B. Arteixo.

Por parte do C.D. Los Rosales: Pose (6), Puñal (2), Jiménez (2), López (2), Rodríguez, Sésar, Morás, Reillo (6), Estévez (2), Díaz, Otero. 
Adestrador: Marcos Rodil

Por parte do C.B. Arteixo: Rey (4), Botana (7), Quintáns (2), Carracedo (14), Ogando, Blanco, Sánchez (4), Toja.
Adestradora: Andrea Álvarez


A próxima fin de semana, o C.B. Arteixo xogará contra o Sta. María del Mar en lugar, día e hora por confirmar.