Senior 4ª división: Filloa Jazz 55 - 46 C.B. Arteixo

Partido correspondente á 5ª xornada da 4ª división senior masculino, disputado o sábado ás 18:00 horas no Pavillón de Novo Mesoiro (A Coruña)

55 - 46 (12-12 / 17-8 / 12-17 / 14-9)

Derrota do equipo de Germán Lozano ante o Filloa Jazz, que soubo administrar a súa vantaxe de 9 puntos acadada ó descanso.

Comezaba o partido cos arteixáns mandando no ritmo de xogo, con boa circulación ante a defensa zonal plantexada polos locais. A falta de un minuto para rematar o primeiro periodo, os de Arteixo mandaban por 7-12, pero dous despistes defensivos facilitaban unha tripla e unha canastra baixo o aro sobre a bocina dos locais para poñer táboas no marcador (12-12)

No segundo periodo, os arteixáns seguían a mover ben o balón, pero non estaban acertados de cara ó aro. Unha serie de malos ataques, con pases perdidos, facilitaron varias contras dos locais e fixeron que se distanciasen no marcador. No último minuto do periodo, produciuse a lesión de Adrián, que torceu un tobillo e non puido disputar máis minutos no partido. Ó descanso os locais mandaban por 9 puntos (29-20)

A segunda metade foi un quero e non podo dos xogadores de Germán Lozano. Cada vez que se achegaban no marcador a 4-5 puntos, un par de malos pases no ataque provocaba contraataques finalizados en canastra para os locais. Esto foi a tónica ata o final do partido, no que a falta de 3 minutos os de Arteixo estaban a 4 puntos, pero unha tripla de Ruppen rachou definitivamente o partido e a victoria quedou en A Coruña.

Bo partido dos de Arteixo, que teñen que seguir mellorando os pases e o seu ataque contra a zona para poder levarse a victoria nos partidos igualados. Boa demostración de intensidade defensiva durante todo o partido, cousa que en partidos anteriores non se conseguía.

Por parte do Filloa Jazz xogaron López (0), Ruiz (14), Cabrera (4), Soto (0), Veira (4), Ruppen (22) e Ferreiro (11)

Adestrador: F. Cabrera

Por parte do C.B. Arteixo xogaron Cotelo (6), Juan (6), Juan Carlos (4), Manu (5), Pavo (9), Arkaitz (2), Dylan (2), Adrián (3), Pablo (2), David (7) e Dany (0)

Adestrador: Germán Lozano

A vindeira fin de semana, o C.B. Arteixo recibirá ó C.D. Recimil de Ferrol no que será o inicio da 2ª volta do grupo AB Coruña-Ferrol. O partido disputarase o domingo 1 de decembro ás 19:00 horas no Pazo dos Deportes de Arteixo. Difícil papeleta para os xogadores de Germán, que xogarán contra un dos tres equipos que están liderando a clasificación con 4 victorias e unha derrota.