Infantil masculino: Electrorayma Narón 64 - 38 C.B. Arteixo

Partido correspondente á segunda xornada da 2ª división infantil masculina entre o C.B. Arteixo e o Electrorayma Narón. disputado no Colexio Santiago Apóstol de Narón o sábado ás 12:00 horas.

64-38 (14-9, 21-7, 10-16, 19-6)

A pesar do resultado, enorme a mellora experimentada polo equipo de Arteixo.

Dende o comezo puido comprobarse que os xóvenes xogadores do C.B. Arteixo estaban dispostos a desmostrar que o seu nivel real non era o da fin de semana pasada. A través duna boa defensa e pechando forte o rebote conseguían as primeiras vantaxes no marcador. Anque ó final do periodo o equipo local despertaba no xogo ofensivo e dáballe a volta ó marcador.

No segundo periodo a historia ía ser ben diferente. os de Narón subían as liñas en defensa e os de Arteixo cometían erros no pase que propiciaban canastras fáciles ós de Narón, que se escapaban no marcador ata os 19 puntos.

Parecía que o partido estaba finiquitado, pero os de Arteixo estaban dispostos a demostrar que xa non eran o equipo timorato da fin de semana pasada. Nun alarde de valentía e bo xogo, a través dunha gran defensa e con rápidos contraataques, conseguían poñer un axustado 36-30 no marcador. Desgraciadamente, a partir deste momento, a gasolina dos arteixáns íase acabando e os locais aproveitaron para marcharse definitivamente no marcador.

Gran paso adiante dado polo conxunto de Arteixo moito antes do esperado!!! Actitude inmellorable no ataque e na defensa. Agora hai que seguir traballando para mellorar aspectos máis concretos do xogo

Noraboa rapaces!! Pero non fixemos nada de momento!!

Traballo, traballo e traballo!! E EQUIPO!!!

Por parte do C.B. Arteixo xogaron Dani, Jacobo, Hugo, Fabio, Saúl, Simón, Raúl e Elías

Adestrador: Iván García

Por parte do Electrorayma Narón xogaron E Rey, A Castro, E Rey, J López, Cabana, Salceda, S López, Lourido, M González, J González, Naviera, Figueira

Adestrador: J. Vázquez

A vindeira fin de semana, o C.B. Arteixo terá xornada de descanso ó estar encadrado nun grupo cun número de equipos impar. Reanudará a competición contra o C.B. As Pontes, previsiblemente o domingo 24 de novembro ás 12:00 horas no Polideportivo Municipal de As Pontes.