Partido correspondente á 1ª xornada da 2ª división
infantil feminina, disputado o sábado ás 11:15 horas en Elviña II.
Primeiro partido e primeira vitoria para as nenas de Andrea Álvarez, nun
partido onde as xogadoras locais demostraron certos aspectos traballados no que
levamos de tempada.
Remataba o primeiro cuarto cun parcial favorable ás
xogadoras do C.B. Arteixo ( 12-4 ), onde estiveron atentas tanto aos rebotes
defensivos como ofensivos, e moi acertadas en tiros de dous. A defensa
individual dende medio campo axudou a frear ás rivais.
Foi no segundo cuarto onde o parcial estivo máis igualado
( 8-8 ), despistes en defensa axudaron ás xogadoras de Betanzos a marcar de 2
con facilidade, erros que hai que correxir con vistas aos futuros
partidos.
Aínda así, as xogadoras locais non tiveron moitas
difcultades para marcar dende baixo do aro.
Xa metidas de cheo no terceiro cuarto ( 12-3 ), con máis
ganas e ánimos para acadar a primeira vitoria da tempada, as xogadoras do club
leváronse o parcial. Destacaron erros de defensa, con dúas faltas fáciles, e
non acudindo ás axudas das compañeiras. Bo tiro dende 2, poñendo o marcador en
32-15, moi favorable para as xogadoras do C.B. Arteixo.
Os últimos 10 minutos ( 6-17 ) foron intensos e con
erros, tanto na defensa coma no acerto de canastas baixo o aro, sen apenas
ningún rebote. Os erros cometidos na defensa das locais levaron ás rivais a
achegarse máis e máis no marcador, tanto que tan só estiveron a 7 puntos da
vitoria. Unha defensa destacable das xogadoras de Betanzos axudou a perder
balóns e a errar nos tiros a canasta.
Destacan os erros nas axudas, nos tiros de 2 e nos rebotes
defensivos-ofensivos. Aspectos importantes a traballar durante esta
tempada.
Boas sensacións para as infantís grazas a esta vitoria no
comezo de tempada, sen esquecer o traballo que queda para mellorar técnicamente
ao longo desta.
Por parte do C.B. Arteixo xogaron Anais
(1), Laura Botana (0), Laura Quintáns (2), Miriam (27), Victoria (0), e Sonia
(8)
Adestradora: Andrea Álvarez
Por Parte do Betanzos 2000 xogaron Sánchez (11), Fernández
(4), Díaz (8), Vázquez (4) e Vázquez C. (5
Adestrador: J. Varela
No hay comentarios:
Publicar un comentario