Horarios para o 23 e 24 de novembro

Os partidos para esta fin de semana son os seguintes:

2ª división senior masculino  8ª xornada  C.B. Arteixo - A.D. Peleteiro

Domingo  12:00 horas  Pazo dos Deportes de Arteixo

Despois de conseguir a primeira victoria en Foz e co ánimo renovado, os xogadores de Fran Lozano buscarán continuar coa mellora no xogo e conseguir a segunda victoria da tempada. Non será fácil, posto que o Peleteiro ocupa invicto a primeira plaza da clasificación.

4ª división senior masculino  5ª xornada  Filloa Jazz - C.B. Arteixo

Sábado 18:00 horas  Pavillón de Novo Mesoiro (A Coruña)

Despois de estrear o casilleiro de victorias a semana pasada, os xogadores de Germán Lozano tratarán de conseguir unha nova victoria ante un equipo co que están empatados na clasificación, e así rematar a primeira volta cunha victoria.

2ª división junior masculino  6ª xornada  C.B. Arteixo - C.B. Cambre

Domingo 19:00 horas  Pazo dos Deportes de Arteixo

Tratarán de conseguir os xogadores de Germán Lozano a cuarta victoria consecutiva ante un C.B. Cambre co que está empatado na clasificación. Difícil partido para os xogadores de Germán, que terán que realizar un gran esforzo para poder levarse a victoria.

2ª división cadete masculino  7ª xornada  C.B. Arteixo - Obradoiro

APRAZADO A PETICIÓN DO OBRADOIRO

Reciben os xogadores de Arkaitz Collazo ó Obradoiro, equipo co que está empatado na clasificación cunha victoria. Preséntase unha opción para que os de Arteixo volvan á senda da victoria e realicen un bo partido, traballando dende principio a fin para ter opcións de victoria.

2ª división infantil masculino  5ª xornada  C.B. Arteixo - ACB Costa da Morte

Domingo 17:00 horas  Pazo dos Deportes de Arteixo

Reciben os xogadores de Iván García a un equipo co que está empatado no último posto da clasificación con cero victorias. Terán como obxectivo os rapaces de Iván seguir mellorando o seu nivel de xogo e ter opcións de victoria ó remate do partido.

2ª división infantil feminina  3ª xornada  C.B. Arteixo - Obradoiro

APRAZADO A PETICIÓN DO C.B. ARTEIXO

Terceiro partido para as nenas de Andrea Álvarez, no que tratarán de seguir sumando victorias no seu casilleiro e seguir mellorando o seu nivel de xogo. Esperamos poder contar con tódolos efectivos para este partido, que se presenta complicado.

Preminibasket masculino  2ª xornada  Jesuitinas - C.B. Arteixo

Sábado  17:15 horas A Sardiñeira (A Coruña)

Segundo partido da tempada para os máis pequenos do club. Os nenos e nenas de Víctor García buscarán a súa segunda victoria da tempada e seguir mellorando pouco a pouco como nos adestramentos. Anque o principal obxectivo será que continúen disfrutando co baloncesto mentres xogan os partidos.