Senior 2ª división: C.B. Arteixo 58 - 69 Arzúa-La Salle

Partido correspondente á 4ª xornada da 2ª división senior masculina disputado o domingo ás 12:00 horas no Pazo dos Deportes de Arteixo

58-69 (15-12  20-14  11-31  12-12)

Nova derrota, e van 3 noutros tantos partidos, do C.B. Arteixo. Esta vez contra Arzúa-La Salle que marcha primeiro na clasificación con 4 victorias e ningunha derrota.

Presentáronse os arteixáns coas baixas de Manu por lesión e ROber Garnelo por motivos laborais, contando na convocatoria con Manu Rey, David Lago e Víctor do equipo de 4ª división para completar o equipo.

Esta vez comezou o partido bastante ben para os nosos. Boas decisións no ataque e bos lanzamentos que nos levaban a ter o partido igualado, aínda que o rebote xa empezaba, como no que levamos de tempada, a darnos problemas. Chegouse ó final do primeiro periodo con 3 puntos de vantaxe para os arteixáns (15-12)

No segundo periodo, as cousa seguían indo ben para os arteixáns, chegando á máxima vantaxe no marcador ó descanso (35-26), 9 puntos que facían que os locais pensasen que as cousas estaban saíndo ben.

Pero chegou o terceiro periodo, e con el o descalabro do equipo. En 5 minutos, Arzúa-La Salle conseguía cambiar o cambiar o marcador, de perder de 9 a gañar de 9 con un parcial de 4-22, provocado por varias perdas consecutivas que os visitantes aproveitaron para anotar con moita facilidade. Ó resultado parcial do periodo é clarificador (11-31) do que pasou na pista.

No último periodo, o equipo intentou rebaixar a diferenza no marcador, chegando a colocarse a tan só 4 puntos, pero a “gasolina” acabouse e Arzúa-La Salle non tivo problemas para controlar o xogo e levarse o partido para terras santiaguesas

Por parte do C.B. Arteixo xogaron Ramón (3), Álex Ocampos (5), Álex Antelo (13), Guille (18), Lute (3), Rober Vilariño (14), Manu Rey (0), Víctor (-) e David Lago (2)

Adestrador: Fran Lozano

Por parte de Arzúa-La Salle xogaron Rodríguez (2), A Álvarez (7), Bico (3), González (10), Barreiro (18), Gómez (7), Barros (6), J Álvarez (5), Molina (11) e Cao (0)

Adestrador: Soares

A próxima fin de semana, o C.B. Arteixo visitará ó Carballo Basket Xiria no derby da zona. O partido disputarase o sábado 2 de novembro ás 20:00 horas no Pavillón da Zona Escolar de Carballo