Partido disputado o sábado ás 12:00
horas no Pavillón Municipal de Meicende (Arteixo) entre o C.B. Arteixo e o
Fogar de Santa Margarida, correspondente ó partido de volta dos oitavos de
final da Copa Primavera Junior Masculina. Partían os arteixáns con 69 puntos de
vantaxe do partido de ida.
Presentábanse os visitantes con só 5
xogadores debido a lesións e enfermidades de varios compañeiros, o que
imposibilitaba as rotacións.
Comezaba o partido cos de Arteixo
mandando no marcador, conseguindo canastras fáciles de contraataque e grazas ó
movemento do balón no ataque. Na defensa, certos despistes á hora de moverse
provocaban canastras moi fáciles para os visitantes. Chegouse ó final do
primeiro periodo cun 22-8 no marcador.
O segundo periodo continuou coa
tónica do primeiro, pero os arteixás conseguían paliar os erros defensivos. No ataque
non se tiña tanto acerto de cara ó aro, pero aínda así a diferenza no marcador
continuaba aumentando. Chegouse ó descanso cun 36-14 no marcador.
Á volta do descanso, a defensa dos
arteixáns foi mala. Lentos no balance defensivo, mala defensa de 1x1 e poucas
axudas facían que os visitantes aumentasen o seu nivel de acerto de cara ó aro
ó dispoñer de lanzamentos cómodos baixo o aro. No ataque, os arteixáns mantiñan
o nivel de anotación para chegar ó final do terceiro periodo con 27 puntos de
vantaxe (52-25).
O último periodo foi nefasto para os
de Arteixo. A intensidade defensiva caeu case a cero, permitindo infinidade de
lanzamentos cómodos ós visitantes. Mentres que no ataque, non se conseguía
buscar boas opcións de lanzamento nin superioridades ó contraataque. O parcial
do periodo, 4-13, o di todo. Finalizou o partido cun 56-38.
Con esta victoria, os xogadores de
Germán clasifícanse para os 1/4 de final da Copa Primavera Junior Masculina,
que se disputarán nunha dobre xornada a próxima fin de semana. O rival será BCA
96, polo que se presenta unha eliminatoria moi igualada vendo os precedentes
desta tempada (dúas victorias para BCA por 8 e 1 punto de diferenza)
C.B. Arteixo
Darío (8), Edu (6); Eloy (0); Nico (7);
Manu (6); Damián (8) Adrián (4); Jacobo (4); Fabián (13)
Ad: Germán Lozano
Fogar Santa Margarida
Reparaz (15), Roca (6), Martínez (9),
Freire (6), Pardiñas (2)
Ad: Jose Ángel Lista
No hay comentarios:
Publicar un comentario