Partido disputado o domingo ás 10:00 horas no Pazo dos Deportes de Arteixo entre o C.B. Arteixo e o Culleredo, correspondente á volta dos cuartos de final da Copa Primavera Infantil Masculina.
Ó partido non se presentaron os oficiais de mesa da Federación, polo que se tivo que pedir a participación a algúns pais para que se poidese disputar o partido en condicións.
Contaban os arteixáns coas baixas de Jose e Víctor.
O que parecía ó comezo unha debacle para os arteixáns por falta de rotacións, volveuse nunha boa disposición por parte dos xogadores de Edu para intentar solventar o partido o mellor posible.
Boas accións defensivas e excelentes transicións levaron a un parcial de 5-0 a favor dos arteixáns ó comezo do partido, o que levou ó adestrador visitante Xosé Durán a solicitar un inesperado e prematuro tempo morto. Despois deste tempo morto, volveu a lóxica do partido, a superioridade física e as boas eleccións de lanzamento levaron ós de Xosé a chegar ó descanso co partido practicamente resolto, cun marcador que sinalaba un 13-32 a favor dos de Culleredo.
Ó inicio da segunda metade, e coas directrices máis asentadas e claras nas cabezas dos xogadores arteixáns, púidose observar outra actitude, ó menos no ataque. Máis circulación de balón e un pouco máis de desparpajo conlevou a que os xogadores realizasen canastras con maior facilidade, rematando o terceiro periodo cun parcial de 14-21 para os de Culleredo (27-53).
No último periodo pouco se tiña que perder, xa que era máis que obvio que a remontada era imposible. Así que a falta de presión e necesidade imperiosa por anotar, parecía que se volveu nunha maior alegría de cara ó aro rival, acompañada dun gran acerto por parte dos arteixáns. O parcial deste periodo, 24-23 a favor dos arteixáns, fixo que se gañase por primeira vez na tempada un periodo ós xogadores de Culleredo (despois de 4 partidos disputados). O resultado final foi 41-76, moi similar ó partido de ida, pero deixando outras sensacións completamente distintas nos xogadores de Arteixo.
Con este partido finaliza a competición nesta tempada para o C.B. Arteixo.
C.B. Arteixo:
Aimán, Carlos, Jacobo, Mario, Hugo, Dani e Isma.
Ad: Edu Albitre
No hay comentarios:
Publicar un comentario