Horarios para o 1 Maio e para a fin de semana do 4 e 5 de Maio

Esta xornada comeza o mércores 1 de Maio, co partido de ida dos oitavos de final da Copa Primavera junior masculina. Debutará o C.B. Arteixo junior contra Fogar de Santa Margarida. O partido disputarase ás 16:00 horas na Polideportiva de Riazor 1. Preséntase unha eliminatoria favorable para os xogadores de Germán, xa que nos dous partidos anteriores os arteixáns conseguiron a victoria dun xeito cómodo e cun bo nivel de xogo.

Xa na fin de semana darán comezo as Copas Primavera para o C.B. Arteixo alevín mixto, o C.B. Arteixo infantil feminino e o C.B. Arteixo infantil masculino. Aínda estamos pendentes da confirmación de horarios e rivais por parte da Delegación Coruñesa de Baloncesto.

O sábado ás 20:00 horas no Pavillón do CEIP Esteiro de Ferrol, o C.B. Arteixo senior de 4ª división visitará ó C.B. Termiset Irmandiños no partido de volta da eliminatoria de cuartos de final da Copa Primavera senior masculina. Difícil envite terán os xogadores de Germán para poder superar a eliminatoria, xa que a derrota sufrida o domingo pasado por 37 puntos de diferenza deixa unha marxe moi grande ós ferroláns para poder superar a eliminatoria.

Pecha a xornada o C.B. Arteixo cadete, que visitará ó Compañía de maría o domingo ás 16:30 horas no Pavillón do Colexio Compañía de María. Os xogadores de Jose parten cunha vantaxe de 17 puntos acadada no paritdo de ida disputado no Pazo dos Deportes de Arteixo, polo que intentarán plantexar un partido similar ó da pasada semana para vencer a eliminatoria e ter dereito a disputar os cuartos de final.

O C.B. Arteixo senior de 2ª división xa rematou a súa tempada, polo que non disputará máis partidos ata a vindeira tempada. Conseguiron os xogadores de Fran Lozano a mellor clasificación dos últimos anos do club, ó rematar Subcampión da 2ª División Senior Masculina.