Junior: Fogar Santa Margarida 11-80 C.B. Arteixo

Partido correspondente á ida dos oitavos de final da Copa Primavera Junior Masculina disputado entre o Fogar de Santa Margarida e o C.B. Arteixo o mércores 1 de Maio ás 16:00 horas na polideportiva de Riazor 2 de A Coruña.

Comezaba o partido cos xogadores de Germán frouxos na defensa, permitindo lanzamentos cómodos preto da canastra ós xogadores de Jose Ángel Lista, quenes aproveitaban para situarse por diante no marcador. A partir do minuto 3 do primeiro periodo, a presión arteixán facía efecto provocando moitas perdas de balón nos pases ós locais que aproveitaban os de Arteixo para anotar en contraataque. No ataque estático, o acerto arteixán era superior ó habitual, rematando o primeiro periodo cun 6-19 no marcador.

No segundo periodo, a presión visitante seguía dificultando o ataque local, que continuaba coas perdas de balón, mentres que as veces que conseguía superar a defensa visitante non era quen de anotar en xogo. Pola súa banda, os visitantes seguían co nivel de acerto de cara ó aro no ataque estático e cos contraataques despois de perda de balón rival. O marcador ó descanso, deixaba o partido visto para sentenza cun 7-37.

Na segunda metade os de Arteixo non descenderon a súa intensidade no xogo, tanto na defensa como no ataque, polo que seguían a conseguir canastras cómodas de contraataque e anotaban con facilidade no xogo estático. A defensa foi moi boa e intensa, o que provocou que os locais non fosen capaces de anotar neste periodo. Finalizaba o terceiro periodo cun 7-58 no marcador.

O último periodo foi moi parecido ó terceiro, cos arteixáns ós que lle saía todo no ataque mentres que na defensa matiñan a intensidade. Chegouse ó final do partido co marcador de 11-80, que deixa encarrilada a eliminatoria a favor dos xogadores de Germán.

Destacar o traballo de tódolos xogadores do C.B. Arteixo dende o minuto 1 ata o 40, sobre todo mantendo a intensidade defensiva ó longo do partido.

O partido de volta da eliminatoria disputarase o vindeiro sábado ás 12:00 horas no Pavillón Municipal de Meicende (Arteixo).

Fogar Santa Margarida

Pose (0), V Rioja (0), Varas (4), R Rioja (2), Reparaz (4), Roca (0), Freire (0), Pardiñas (1)

Ad: Jose Ángel Lista

C.B. Arteixo

Darío (17), Edu (18); Eloy (5); Nico (8); Manu (10); Damián (2) Diego (4); Jacobo (2); Fabián (14)

Ad: Germán Lozano