Senior 4ª división: C.B. Arteixo 44 - 81 C.B. Irmandiños

Partido xogado o domingo ás 19:00 horas contra o C.B. Irmandiños de Ferrol no Pazo dos Deportes de Arteixo. Partido correspondente á ida dos cuartos de final da Copa Primavera senior masculino.

Comezaba o partido mal para os arteixáns. Nulos en intensidade, perdendo balóns continuamente, permitindo infinidade de rebotes ofensivos,… polo que os ferroláns pronto colleron vantaxe no marcador. A medida que ían pasando os minutos, os de Arteixo paliaban esa falta de intensidade e no ataque conseguían boas opcións de lanzamento para poder anotar. Así chegouse ó final do periodo cun 14-19 a favor dos de Ferrol.

No segundo periodo, os arteixáns mantiñan a intensidade no xogo, pero non eran capaces de recortar diferenzas, sobre todo grazas ós rebotes ofensivos logrados polos visitantes (gran lacra para os de Arteixo). Mantíñase o marcador con vantaxe visitante, pero as diferenzas non sobrepasaban os 10 puntos salvo ó final do periodo, chegándose ó descanso cun 26-37 no marcador.

Á volta do descanso, máis do mesmo, os arteixáns con intensidade, pero sen ser capaces de reducir diferenzas debido á superioridade no rebote visitante, que lle facía ter moitas opcións de lanzamento. Tamén as perdas de balón fixeron que os arteixáns non poidesen anotar con comodidade. Finalizou o periodo cun 36-54 no marcador.

O último periodo foi o que rompeu definitivamente a eliminatoria cun parcial de 8-27. Os arteixáns non foron quen de superar a presión a todo campo visitante, perdendo infinidade de balóns que se traducían en contraataques para os visitantes. Rematou o partido con 37 puntos de diferenza (44-81) a favor dos ferroláns, que foron demasiado castigo para a actitude mostrada polos de Arteixo durante gran parte do partido.

Destacar o debut do xogador do equipo junior Jacobo co equipo, que aportou 10 minutos de bo xogo pero sen acerto de cara ó aro.

A próxima semana, presumiblemente o sábado ás 20:00 horas, o C.B. Arteixo vistará o CEIP Esteiro de Ferrol para xogar o partido de volta da eliminatoria. Moi difícil papeleta, por non dicir imposible, para os de Germán poder remontar a eliminatoria.

C.B. Arteixo

Germán (2), Cotelo (4), Juan (3), Manu (6), Jacobo (0) Pavo (11), David (6), Arkaitz (6), Dylan (2), Adrián (1), Héctor (3), Pablo (0)

Ad: Germán Lozano

C.B. Irmandiños

Alvariño (12), Constenla (3), Romero (6), Franco (10), Suárez (16), Corral (10), Regueiro (2), Permuy (6), D Ruibal (4), S Ruibal (12)

Ad: Javier Uría