Partido disputado o sábado ás 18:00
horas no Pazo dos Deportes de Arteixo entre o C.B. Arteixo e o C.B. Coia-Seis
do Nadal.
Partido correspondente á ida da
final da 2ª división senior masculina, que se disputa a unha eliminatoria de
ida e volta.
Na primeira metade os arteixáns
fixeron valer o seu xogo preto do aro para ir collendo diferenzas no marcador,
axudados tamén polo escaso acerto dos visitantes ó longo da primeira metade.
Na segunda metade, os visitantes
aumentaron o seu nivel e intensidade defensiva para ir pouco a pouco limando a
diferenza do marcador. No último periodo, os visitantes puxéronse por diante no
marcador e non deixaron escapar a victoria por moito que o intentaron os de Arteixo.
A próxima semana xogarase o partido
de volta que decidirá o campión da liga. Será o sábado ás 20:00 horas no Pavillón
de Navia (Vigo)
Adxuntamos o enlace á crónica
realizada por Benito Campoy (El Noticiero de Arteixo), a quen lle agradecemos a súa colaboración, axuda e promoción do club no seu medio de comunicación.
No hay comentarios:
Publicar un comentario