Esta fin de semana dous
dos sete equipos do club non terán competición. Os equipos alevín mixto e infantil
feminino están á espera de
coñecer o inicio da Copa Primavera e os seus respectivos rivais. Tampouco terá
partido o equipo junior,
quen si coñece o seu inicio da Copa Primavera pero non o seu rival. A
competición comezará o vindeiro mércores 1 de Maio.
Abre a xornada o C.B. Arteixo infantil masculino,
que recibe ó Tirso de Molina de Ferrol, no seu último partido da segunda fase
da liga. O partido dará comezo o venres ás 19:30 horas no Pazo dos Deportes de
Arteixo. Os xogadores de Edu teñen posibilidades de rematar como primeiros do
grupo se conseguen a victoria, pero o importante é continuar coa mellora no
xogo que levan dende o principio da tempada.
Na xornada do sábado, o C.B. Arteixo senior de 2ª división,
que visitará ó C.B. Coia-Seis do Nadal o sábado ás 20:00 horas no Pavillón de
Navia de Vigo. Será o partido de volta da final da liga, na que os de Vigo
parten cunha vantaxe de 1 punto lograda en Arteixo (victoria por 58-59). Terán
que ser máis fortes na defensa os xogadores de Fran Lozano para darlle a volta
á eliminatoria, despois de chegar a gañar por 16 puntos ó descanso no partido
de ida.
Abre a xornada do domingo, o C.B.
Arteixo cadete, que comeza a Copa Primavera recibindo ó Compañía de María
de A Coruña ás 17:00 horas no Pazo dos Deportes de Arteixo. Intentarán os
xogadores de Jose traballar para realizar un bo partido que lle permita
afrontar o partido de volta con opcións de poder gañar a eliminatoria ó mesmo
tempo que se realiza un bo xogo sobre a pista.
Pecha a xornada o C.B. Arteixo senior de 4ª división,
que iniciará a súa andadura na Copa Primavera senior ante o C.B. Irmandiños de
Ferrol (equipo da 3ª división masculina) o domingo ás 19:00 horas no Pazo dos
Deportes de Arteixo. Difícil papeleta para os xogadores de Germán, posto que se
enfrontan a un rival de categoría superior, pero que afrontarán como tódolos
partidos da tempada: intentar mellorar o xogo de equipo e intentar competir
para chegar ó final do partido con opcións de conseguir a victoria.
No hay comentarios:
Publicar un comentario