Partido disputado o domingo ás 18:00
horas no Pavillón Municipal de Cee entre o ACB Costa da Morte e o C.B. Arteixo.
Contaban os de Arteixo coa baixa de Hugo por unha lesión na súa man.
Comezaba o partido cos de Arteixo completamente
relaxado na defensa e con bastantes lagoas preto do aro rival, o que propiciou
finalizar o primeiro periodo cun 23-13 no marcador a favor dos da Costa da Morte.
Destacar a defensa zonal 2-3 dos locais durante todo o partido para tratar de
frenar o ataque arteixán e que non conseguisen anotar con facilidade.
No segundo periodo, xa se intentou
paliar a diferenza no marcador (12-13) pero sendo insuficiente para remontar,
xa que a diferenza era bastante considerable. Chegouse ó descanso cun 35-26 no
marcador, aínda con vantaxe local.
Na reanudación do partido, e despois
dunha considerable posta a punto nos xogadores por parte do seu adestrador, os
de Arteixo saíron coas pilas cargadas e coas armas necesarias para que no
ataque poidesen anotar con maior facilidade. Aumentaron o ritmo na defensa, o
que propiciou que se lograsen contraataques con maior facilidade. O adestrador
local tivo que solicitar varios tempos mortos para tratar de deter a embestida
dos visitantes. Pero os de Arteixo seguían concentrados e aínda se cabe, moito
máis metidos en faena, xa que vían o resultado do esforzo reflexado no
marcador. Ó rematar o terceiro periodo, os arteixáns poñíanse por diante no
marcador grazas a un parcial de 8-22 no periodo, para deixar no marcador un 43-48.
No último periodo, os de Arteixo
intentaron continuar realizando o mesmo traballo ofensivo e manter a
intensidade defensiva, pero a medida que ían avanzando os minutos e que os
xogadores ían cargándose de faltas, o adestrador visitante tivo que realizar
bastantes rotacións nos xogadores e agotar os tempos mortos, conseguindo chegar
ós minutos finais co partido case resolto. Finalizou o partido cun 57-65 a
favor dos arteixáns.
A próxima semana, o C.B. Arteixo
xogará o seu último partido desta fase contra o Tirso de Molina de Ferrol o
venres ás 19:30 horas no Pazo dos Deportes de Arteixo, con opcións de finalizar
como primeiro de grupo.
C.B. Arteixo
Jose, Isma, Víctor, Carlos, Mario,
Jose Aimán, Dani e Jacobo.
Ad: Edu Albitre
No hay comentarios:
Publicar un comentario