Partidos para a fin de semana do 20 e 21 de Abril

Esta fin de semana só terán competición dous dos sete equipos do club. Os equipos alevín mixto, infantil feminino, cadete e junior están á espera de coñecer o inicio da Copa Primavera e os seus respectivos rivais. Pola súa banda, o equipo senior de 4ª división está á espera de comezar a súa eliminatoria de cuartos de final da Copa Primavera, que será a fin de semana do 28 de Abril.

Abre a xornada o C.B. Arteixo senior de 2ª división, que recibirá ó C.B. Coia-Seis do Nadal o sábado ás 18:00 horas no Pazo dos Deportes de Arteixo. Será o partido de ida da eliminatoria da final da 2ª división senior masculina, unha vez que os xogadores de Fran Lozano acadaron o primeiro posto do grupo norte.

Aproveitaranse os momentos anteriores ó partido para realizar as fotos de cada un dos equipos do club e a foto de familia. Tamén coa intención de apoiar ó noso equipo en tan importante evento.

Pecha a xornada o C.B. Arteixo infantil masculino, que visitará o domingo ás 19:00 horas no Pavillón Municipal de Brens (Cee) ó ACB Costa da Morte. Os xogadores de Edu tratarán de conseguir unha nova victoria para ter opcións de finalizar como primeiro do grupo A4 da segunda fase da 2ª división infantil e continuar coa gran mellora acadada durante toda a tempada.