Junior: C.B. Arteixo 52-30 Fogar Santa Margarida

Recibía o equipo junior ó Fogar de Santa Margarida o domingo ás 17:00 horas no Pazo dos Deportes de Arteixo no último partido da segunda fase da competición junior.

Comezou o partido con moitas imprecisións no xogo por parte dos dous equipos: numerosas perdas de balón e moitos erros en entradas á canastra durante os primeiros minutos. Os arteixáns estaban máis serios na defensa e conseguían moitos contraataques, pero que non eran capaces de materializar. Co paso dos minutos, e movendo o balón empezaban os arteixáns a anotar, para rematar o primeiro periodo cun 15-4 no marcador.

No segundo periodo, a defensa dos arteixáns non deu os mesmos froitos que no primeiro periodo e permitía que os visitantes conseguisen varias canastras sen oposición baixo o aro. Mentres, no ataque, os arteixáns non conseguían boas opcións de lanzar preto da canastra debido á defensa pechada dos visitantes que non deixaban sitio dentro da zona. Chegábase ó descanso cun 25-13 no marcador.

Comezaba a segunda metade como remataba a primeira, gran esforzo defensivo por parte dos arteixáns, pero que en varios despistes permitían anotar ós visitantes de forma fácil. No ataque seguían igual, anotando grazas a contraataques xa que no ataque estático a acumulación dos xogadores visitantes dentro da zona, non permitía realizar unha boa circulación de balón. Chegouse ó final do terceiro periodo cun 37-24 no marcador.

No último periodo, a defensa dos arteixáns volveu a ser a mesma que no primeiro periodo, conseguindo canastras ó contraataque e mediante varios despistes defensivos nos visitantes. Grazas a esto a diferenza no marcador foi aumentando ata chegar ó resultado final de 52-30.

Destacar o gran esforzo na defensa a todo campo realizado polos xogadores de Germán e a intensidade mostrada nos 40 minutos de partido.

C.B. Arteixo

Darío (10), Edu (4); Eloy (0); Nico (2); Manu (7); Damián (8) Diego (2); Adrián (0); Jacobo (6); Fabián (13); Richi (0)

Ad: Germán Lozano

Fogar Santa Margarida

Varas (5), Rioja (0), Ferreiro (-), Reparaz (6), Roca (2), Martínez (9), Freire (6), Pardiñas (2)

Ad: Jose Ángel Lista