Cadete: BCA 97 47-43 C.B. Arteixo

Visitaba o C.B. Arteixo o domingo ás 10:00 horas ó BCA 97 no Polideportivo do Ventorrillo de A Coruña no último partido da segunda fase da competición cadete. Este foi o cuarto enfrontamento entre estes dous equipos na presente tempada.

Comezaba o primeiro periodo de cara para os locais. O xogo de ataque e de defensa dos visitantes era bo, pero os erros de cara á canastra ían sentenciando o marcador. Só ó final do periodo, con dúas boas accións defensivas, poñíase fin ó primeiro periodo cun 9-6 no marcador.

Con este resultado tan baixo, ámbolos dous adestradores sabían que o partido se gañaba na defensa. Debido a esto, as defensas subían a intensidade ata ó límite de chegar ó tope de faltas de equipo no minuto tres. Grazas a esto e ós tiros libres concedidos BCA íase no marcador ó descanso cun favorable 24-17.

Á volta, un forte plantexamento de cara á canastra dos arteixáns facía que recortasen as diferenzas deixando ó equipo local en só 6 puntos no periodo. No ataque conseguían situacións de 1x1 para poder anotar. Chegouse ó final do terceiro periodo cun 30-29 no marcador.

Co partido aínda por decidir comezaba o último periodo, con BCA marcando o ritmo do partido. Só no minuto 3 do perido, os arteixáns sitúanse nunha defensa zonal e conseguen parar o ataque dende o poste baixo dos locais e anular as vantaxes que tiñan nos anteriores periodos. A falta de dous minutos e con 10 puntos de desvantaxe, os arteixáns decidiron facer faltas e buscar ataques rápidos. Con esto conseguiron apretar o marcador, pero o acerto local dende o tiro libre fixo que a victoria se quedase na Coruña por 47-43.

Unha vez finalizada a competición, o equipo está á espera de que comece a competición de Copa Primavera organizada pola Delegación Coruñesa de Baloncesto.

C.B. Arteixo

Miguel C; Darío; Natahel; Juanlu; Jonathan; Miguel D; Javi; Leo; Iván; Adrián; Antón.

Ad: Jose Ríos