Partido disputado o domingo ás 10:00
horas no Pazo dos Deportes de Arteixo entre o CD Los Rosales e o C.B. Arteixo,
xusto dous días despois e co segundo partido da fin de semana por diante.
O estado de ánimo dos arteixáns
facíase notar no partido, faltos de intensidade que facía do partido que fose
lento e trabado.
Aínda así, os locais comezaban
fortes o partido cun parcial de 10-0, que facía que os visitantes pedisen o
primeiro tempo morto do partido. Os segundos 5 minutos do primeiro periodo
foron cheos de imprecisións por parte dos dous equipos, con erros baixo o aro e
numerosas perdas de balón, rematando o perido cun 15-6 no marcador.
O segundo periodo foi sen dúbida o
peor do partido para os locais. Moito desorde no ataque, cambiando as defensas
continuamente e deixando xogadores sós. Grazas ás imprecisións dos visitantes,
conseguíase manter a diferenza no marcador, chegando ó descanso 27-17.
Despois do descanso, os arteixáns
modificaron a súa actividade e intensidade no partido, conseguindo despegarse
no marcador para chegar ó final do terceiro periodo cun 47-28.
O último periodo foi moi similar ó
terceiro, mellora da intensidade aínda con bastantes erros na defensa que
concedían moitos tiros libres ós visitantes. Aínda así, as boas decisións no
ataque facían que no marcador aumentase a diferenza para chegar ó final do
partido cun 67-39 no marcador.
A próxima semana, o C.B. Arteixo
visitará ó BCA 97 no último partido do grupo o domingo ás 10:00 horas no
Polideportivo do Ventorrillo de A Coruña.
C.B. Arteixo
Miguel Cruz, Darío, Natahel,
Jonathan, Miguel Díaz, Leo, Iván, Antón e Adrián.
Ad: Jose Ríos
No hay comentarios:
Publicar un comentario