Senior 4ª división: C.B. Arteixo 51-41 C.B. Laracha

Recibiu o C.B. Arteixo ó C.B. Laracha no clásico derby dos últimos anos da competición. O partido xogouse o domingo ás 19:00 horas no Pazo dos Deportes de Arteixo.

Gran ambiente nas gradas do Pazo dos Deportes para ver o derby. Aproximadamente 60 persoas, das cales 20 persoas viñeron de A Laracha para ver o partido.

Comezaba o partido cos dous equipos negados de cara ó aro. Ós 4 minutos de xogo o marcador sinalaba un pobre 2-4 a favor dos de A Laracha. Só se moveu o marcador en xogadas de contraataque tras perda de balón. Rematou o primeiro periodo con empate a 10 no marcador.

No segundo periodo, os arteixáns grazas á intensidade na defensa conseguían poñerse por primeira vez por diante no marcador, que xa non deixarían ata o final do partido. Movíase ben o balón ante a defensa visitante e lográbase anotar grazas ás vantaxes que se creaban nos 1x1 dende o exterior. Chegouse ó descanso cun 21-18 no marcador.

Á volta do descanso os arteixáns seguiron intensos na defensa e buscando boas situacións de lanzamento no ataque, anque non estaban moi acertados. Pola súa banda, os laracheses seguían con problemas para atacar a zona local e non conseguían anotar con comodidade. O parcial foi moi igualado, chegándose ó final cun 32-28 no marcador.

O último periodo foi dominado polos arteixáns, moi seguros no rebote defensivo e mantendo a boa intensidade na defensa. Tardaron en anotar, pero a tripla de Héctor destapou o aro larachés. Conseguiron os de Arteixo unha vantaxe de 7 puntos a falta de 3 minutos. A partir de aí, o partido foi un continuo ir á liña de tiros libres por parte dos arteixáns e un quero e non podo por parte dos visitantes, que só conseguiron anotar unha tripla en todo o partido. O propio Héctor certificou a victoria dos arteixáns anotando os 12 últimos puntos do equipo nunha serie excelsa de 12/12 en tiros libres. Rematou o partido cun 51-41 no marcador.

Remata a liga cos arteixáns na última posición cun balance de 3 victorias e 17 derrotas. Mellorou bastante o equipo ó longo da tempada, sobre todo no temple en á hora de ler determinadas situacións dos partidos. A asignatura pendente (que no partido do domingo conseguiron un sobresaínte) foi o non manter a intensidade ó longo dos 40 minutos do partido, realizando periodos de nula intensidade no xogo.

C.B. Arteixo

Germán (0), Cotelo (0), Juan (11), Manu (0), Jacobo(-), Pavo (6), Víctor (2), David (0), Arkaitz (6), Dylan (6), Adrián (3); Héctor (17)

Ad: Germán Lozano

C.B. Laracha

Abel (0), Jota (10), Chapi (0), Carlos (2), Cotelo (0), Lucas (5), Esmorís (6), Cancela (0), Brais (7), Eloy (5), André (6)

Ad: Jaime Martínez