Partidos para a fin de semana do 8, 9 e 10 de Marzo

Esta fin de semana o equipo infantil masculino non terá xornada debido a que aínda quedan partidos aprazados por disputar de equipos implicados no seu grupo da segunda fase.

Esta fin de semana a xornada comeza o venres ás 21:00 horas no Pavillón de Almeiras (Culleredo) co partido do C.B. Arteixo senior de 4ª división. Visitará ó Dinamo CBAJ nun complicado partido debido ó rival e á cantidade de baixas coas que conta o equipo nestas últimas semanas. Contará Germán coa axuda de xogadores do equipo junior para volver á boa liña de xogo que realizaba o equipo durante os meses de decembro e xaneiro.

Abre a xornada do sábado o C.B. Arteixo junior, que xogará o sábado ás 18:00 horas na Polideportiva de Riazor 1 contra o Fogar de Santa Margarida o seu segundo partido na segunda fase da liga. Intentarán os xogadores de Germán conseguir unha victoria que se lles leva resistindo moito tempo, e que case estiveron a piques de conseguir a semana pasada.

Á mesma hora (18:00 horas), pero no Pavillón de Marzán en Foz, o C.B. Arteixo senior de 2ª división rendirá visita ó segundo clasificado da liga. Os xogadores de Fran Lozano irán a Foz coa intención de aumentar a vantaxe de 2 partidos que agora teñen sobre os focenses e asegurar aínda máis a primeira praza da clasificación.

Continúa a xornada do sábado ás 18:45 horas no Polideportivo de A Sardiñeira de A Coruña co C.B. Arteixo alevín mixto que xogará o seu partido contra BCA Cristo Rey na procura da primeira victoria do ano para os nenos e nenas de Arkaitz, amén de seguir mellorando como levan facendo día a día dende que comezou a tempada..

A xornada do domingo déixanos dous partidos á mesma hora. Ás 10:00 horas no Pazo dos Deportes de Arteixo o C.B. Arteixo cadete recibirá ó BCA 97. Os xogadores de Jose tratarán de conseguir a súa segunda victoria nesta fase da liga ante un complicado rival que xa coñecen da primeira fase.

Pecha a xornada tamén ás 10:00 horas o C.B. Arteixo infantil feminino, que xogará contra Compañía de María no Polideportivo de Elviña 1. Tratarán as nenas de Andrea de levarse unha victoria para confirmar con resultados a mellora no xogo das nenas. Será o primeiro partido da segunda fase para as nenas, debido a que a semana pasada non xogaron.