Senior 4ª división: C.B. Arteixo 23-53 IDEFIC

Partido xogado contra IDEFIC no Pazo dos Deportes de Arteixo, o domingo ás 19:00 horas.

Para este partido, Germán contaba coas baixas de David, Pablo e Dany, polo que eran da partida Manuel e Fabián do equipo junior.

Lamentable inicio de partido dos arteixáns, sendo incapaces de anotar no primeiro periodo. Anotando só dous puntos na primeria metade (de tiro libre). Pola súa banda, os visitantes saíron moi enchufados no partido, moi agresivos na defensa de 1x1 e buscando opcións preto do aro para conseguir canastra (cando non era de contraataque). Chegouse ó descanso cun pésimo 2-32 no marcador.

Na segunda metade cambiou a cara dos arteixáns, e xunto coa relaxación visitante fixo que a diferenza no marcador non fose moi elevada. Os arteixáns puxeron intensidade na defensa, buscaron opcións de lanzamento preto do aro e pouco a pouco foron mudando a fatal imaxe da primeira metade. Rematou o terceiro periodo cun 12-45 para os visitantes.

O último periodo foi moi similar ó terceiro, pero coa salvedade de que o parcial foi para os arteixáns (por sacar algo de proveito do partido).

Moito ten que cambiar a actitude dos arteixáns para que esto non volva ocorrer en próximos partidos.

A próxima semana o C.B. Arteixo visitará ó Dinamo CBAJ o venres 8 de marzo no Pavillón Municipal de Almeiras ás 21:00 horas.

C.B. Arteixo

Germán (2), Cotelo (6), Juan (5), Manu (0), Pavo (0), Víctor (0), Arkaitz (3), Dylan (0), Adrián (4), Héctor (2), Fabián (1)

Ad: Germán Lozano

IDEFIC

Fernández (5), Acevedo (6), A Vázquez (9), J Vázquez (6), Dapena (3), Martín (11), Timiraos (5), Niñe (8)

Ad: Iván García