Partido disputado o sábado ás 10:00
horas no Polideportivo do Ventorrillo en A Coruña. Presentábase o equipo
infantil coas baixas de Carlos e Isma por lesión, á que se lle xuntou a do
adestrador Edu por gripe. Cubriu Germán a súa baixa.
Comezaba o partido ben para os
arteixáns, superando a presión dos locais grazas a pases e ó movemento sen
balón, que lles facía conseguir opcións de lanzamento baixo o aro, aínda que
non podían materializar tódolos intentos en canastra. Pola parte local,
baseaban o seu xogo de ataque no 1x1 de dous xogadores. Chegábase ó final do
primeiro periodo con 4 puntos de vantaxe para os arteixáns (8-12).
No segundo periodo continuaba a
mesma tónica que o primeiro, os arteixáns conseguindo boas opcións de
lanzamento, aínda que con máis perdas de balón e contendo o 1x1 dos xogadores
locais. Chegábase ó descanso con 6 puntos de vantaxe para os de Arteixo
(24-30).
Á volta dos vestiarios, os arteixáns
saíron sen a intensidade suficiente para seguir no partido, e pronto se viron
debaixo no marcador. A presión local conseguía recuperar balóns, e as veces que
se conseguía pasar a presión, a defensa estática e pechada dos locais facía
case imposible que os arteixáns conseguisen boas opcións de lanzamento. Rematábase
o periodo con vantaxe de 6 puntos para os locais (44-38).
No último periodo, os arteixáns
trataron de darlle a volta ó marcador, pero non foron capaces debido ó
cansancio e á falta de puntería de cara ó aro. Finalmente o resultado foi 55-47
para os locais.
Finaliza así a primeira fase da
liga, á espera de coñecer a configuración e o inicio da segunda fase.
C.B. Arteixo
Jose, Víctor, Mario, Jose Aimán,
Hugo, Dani, Jacobo.
Ad: Germán Lozano
No hay comentarios:
Publicar un comentario