Visitaba o C.B. Arteixo ó CD Los
Rosales na segunda xornada da segunda fase da liga cadete. O partido xogouse o
domingo ás 12:00 horas no Polideportivo de Os Rosales de A Coruña.
Buscaban os xogadores de Jose a súa
primeira victoria nesta fase, despois de perder a semana pasada ante o Salgado
Montrove.
Comezaba o partido cunha forte
presión defensiva a todo campo por parte dos arteixáns, o que provocaba perdas
de balón continuas. Grazas a numerosos contraataques o marcador sinalaba un
11-20 ó remate do primeiro periodo.
No segundo periodo continuaba o
nivel defensivo por parte dos de Arteixo. Conseguían tamén boas opcións de
lanzamento en ataque, o que provocaba que a vantaxe no marcador seguise
aumentando ata chegar ó descanso cun 16-43 no marcador.
Á volta do descanso, os locais
refuxiábanse nunha defensa zonal 3-2. Conseguise atacar ben a zona, sobre todo
nos espazos polo fondo da pista, facía que a diferenza seguise aumentando. Había
problemas na defensa, con malas axudas que deixaban xogadores sós en posición
de lanzamento.
O último periodo foi un trámite, os
visitantes xogaban con xogadores de primeiro ano, os cales non disminuiron o
nivel de intensidade nin de traballo. Finalizaba o partido cun 41-86 no
marcador grazas ó traballo de tódolos xogadores do equipo.
A próxima semana o C.B. Arteixo
recibirá a visita do BCA 97 o domingo ás 10:00 horas no Pazo dos Deportes de
Arteixo.
C.B. Arteixo
Miguel Cruz, Darío, Natahel, Juanlu,
Jonathan, Miguel Díaz, Javi, Leo, Iván, Antón e Adrián.
Ad: Germán Lozano
No hay comentarios:
Publicar un comentario