Senior 2ª división: C.B. Arteixo 59-50 C.B. Culleredo

Partido xogado contra o C.B. Culleredeo no Pazo dos Deportes de Arteixo, o domingo ás 12:00 horas.

Nova victoria, a decimoterceira consecutiva, nun importante partido para os xogadores de Fran Lozano.

Importante victoria porque deixa ó rival (C.B. Culleredo) a 4 victorias de distancia e coa diferenza de puntos favorable a falta de 5 partidos (6 xornadas) para o remate da fase regular da liga.

O partido non foi bo pero si mantivo a emoción, xa que as diferenzas, menos ó comezo e ó final, foron sempre moi curtas.

No primeiro periodo o Culleredo estivo moito mellor que os locais, anotando en case tódalas posesións e defendendo moi forte. Chegaron a ter 8 puntos de vantaxe. Pola súa banda, os de Arteixo non eran capaces de xogar cómodo, perdendo balóns debido á gran actividade na defensa visitante. Ó remate do periodo, 17-20 para os de Culleredo.

No segundo periodo as cousas comezaron igual, pero pouco a pouco os locais foron achegándose e ó final do periodo estaban dous puntos arriba (33-31).

No terceiro periodo, os de Culleredo volven a xogar mellor que os de Arteixo e, aínda que con poucas diferenzas, volven a poñerse por diante xa que dominaban o rebote e conseguiron anotar 3 triplas neste periodo, o que lles deu 3 puntos de vantaxe ó remate do periodo (45-48).

No último periodo, os arteixáns (igual que nos últimos partidos) apretaron en defensa e en ataque, aínda que ó final se xogaron varias situacións sen moito xeito, souberon buscar boas opcións. Os visitantes, aínda que tiveron algunha boa situación, non foron capaces de aproveitalas e só foron capaces de sumar 2 puntos en todo o periodo, chegándose ó final do partido coa máxima vantaxe local de 9 puntos (59-50).

A próxima semana o C.B. Arteixo visitará ó Cenor Cluny o domingo 24 de febreiro ás 19:00 horas, esperando que non se volva a repetir un partido como este.

C.B. Arteixo

Rober Garnelo (2), Iván (3), Diego (11), Álex (3); Guille Conchado (4), Guille Vilanova (4), Manu (3), Edu (10), César (4), Rober Vilariño (3), Mindi (0), David (12)

Ad: Fran Lozano

C.B. Culleredo

Don (-), Prado (3), Subiela (9), Calviño (4), Díaz (2), Vilariño (-), Liñares (6), Malpica (2), Goyanes (-), Suárez (5), Montero (4), Somoza (15)

Ad: Luis Fraga