Partidos para a fin de semana do 23 e 24 de Febreiro

Esta fin de semana descansarán os equipos infantil feminino, infantil masculino e junior xa que contan con xornada de descanso na súa competición, no caso das infantís, reanudan a competición a semana que vén coa segunda fase da liga. No caso dos junior, comezan descansando na segunda fase da competición por ser un grupo de só 3 equipos. No caso do infantil masculino, contan con xornada de descanso por ser un número impar de equipos na competición.

Abre a xornada o C.B. Arteixo alevín mixto disputará o seu partido ás 17:15 horas no Polideportivo de A Sardiñeira contra o Compañía de María. Seguirán os nenos e nenas de Arkaitz buscando a súa primeira victoria da tempada. Así mesmo, tratarán de continuar coa mellora no seu xogo que levan dende o comezo do ano.

Comeza a xornada do domingo o C.B. Arteixo cadete que recibirá ó Salgado Montrove ás 10:00 horas no Pazo dos deportes de Arteixo. Buscarán os xogadores de Jose comezar cunha victoria na segunda fase da liga, que se xoga por ser o equipo clasificado na 9ª posición dos grupos A1 e A2 da zonal coruñesa.

Xa pola tarde, ás 17:00 horas no Polideportivo do Ventorrillo, o C.B. Arteixo senior de 4ª división visitará ó C.B. Ventorrillo. Partido complicado para os xogadores de Germán, posto que se enfrontan a un dos equipos punteiros da competición. Intentarase plantexar un bo partido para poder conseguir a victoria.

O último partido da xornada xogarao o C.B. Arteixo senior de 2ª división que visitará ó Cenor Cluny ás 19:00 horas no Pavillón do Colexio Cluny de Santiago de Compostela. Buscarán os xogadores de Fran Lozano continuar coa racha de victorias, xa que non coñecen a derrota dende a primeira xornada de liga, que caeron ante o Obradoiro en Santiago.