Senior 2ª división: C.B. Arteixo 39-36 Caferlo Viveiro

Partido xogado contra o Caferlo Viveiro no Pazo dos Deportes de Arteixo, o domingo ás 12:00 horas.

Nova victoria, duodécima consecutiva, nun partido para esquecer completamente para os xogadores de Fran Lozano.

O resultado final é bastante clarificante (39-36). Erros continuos durante os corenta minutos. Os locais non eran capaces de anotar en case ningunha posición, nin dende cerca nin de lonxe, nin tiros libres, polo que pouco a pouco o Caferlo Viveiro foi sacando vantaxe no marcador, curta porque o resultado era moi baixo, pero que comparado cos números nos que se movía o marcador era importante.

Chegouse ó último periodo cuns números incribles, por malos, 20 a 32, 12 puntos abaixo para os arteixáns, polo que o partido parecía irremontable. Saíron os arteixáns con intensidade por fin no partido, anotaron 19 puntos no periodo e deixaron ós de Viveiro en só 4, conseguindo darlle a volta ó marcador para levarse o partido por só 3 puntos de diferenza.

A próxima semana o C.B. Arteixo visitará ó Norinver Narón o domingo 10 de febreiro ás 19:00 horas, esperando que non se volva a repetir un partido como este.

C.B. Arteixo

Rober (0), Iván (2), Álex (7); Guille Conchado (0), Guille Vilanova (0), Manu (10), Edu (7), César (6), Mindi (0), David (7), Fabián (-)

Ad: Fran Lozano

Caferlo Viveiro

Franco (0), Navarro (4), Letido (7), V Piñón (11), Neira (4), Pedrosa (3), A Piñón (7), Souto (0)

Ad: Novo