Partidos para a fin de semana do 9 e 10 de febreiro

Esta fin de semana está marcada polo parón en tódalas ligas de categorías inferiores (agás ligas galegas e partidos aprazados), polo que os equipos alevín mixto, infantil feminino, cadete e junior non disputarán ningún partido esta fin de semana.

Abre a xornada o C.B. Arteixo infantil masculino que visitará ó ADFRO o sábado ás 10:00 horas, no partido aprazado de hai dúas semanas. Os xogadores de Edu, que segue con baixas, intentará sumar unha nova victoria. Preséntase un partido igualado, xa que os da Coruña se levaron o partido da primeira volta despois de remontar na segunda parte grazas ás súas defensas zonais e mixtas.

Na xornada do domingo, o C.B. Arteixo senior de 4ª división visitará ó Filloa Jazz ás 12:00 horas no Pavillón de Mesoiro. Tratarán os xogadores de Germán de saír da última posición da clasificación nun duelo directo entre os dous equipos que están empatados na última posición da clasificación, se ben os arteixáns son últimos ó perder no partido da primeira volta.

O último partido da xornada xogarao o C.B. Arteixo senior de 2ª división que visitará ó Emparesa Narón o domingo ás 19:00 horas no Pavillón de Santa Cecilia de Narón. Os xogadores de Fran Lozano tratarán de continuar coa racha de victorias (que xa está en 12) e mellorar a imaxe mostrada no último partido contra o Caferlo Viveiro onde a intensidade brillaba pola súa ausencia durante boa parte do partido.