Partido disputado o sábado ás 12:00
horas na Polideportiva de Riazor 2 contra BCA 97.
Gran partido dos xogadores de Jose.
Presentábase un partido igualado a priori, visto o resultado da primeira volta.
Comezaba o partido cunha defensa
espectacular por parte dos arteixáns, que sería a tónica do partido e tamén
cunha serie de imprecisións no ataque que lles facía perder moitos balóns en
malos pases. Mesturando estes erros e acertos defensivos, finalizaba o periodo
cun 6-7 a favor dos arteixáns.
No segundo periodo, a defensa
vistitante mantivo o seu nivel de esixencia, o que provocaba perdas de balón
locais e canastras fáciles ó contraataque para os de Arteixo. Pola súa banda,
os locais facían valer o seu poderío interior chegándose ó descanso 19-26.
O descanso serviulles ós arteixáns
para recapacitar sobre a importancia das liñas de pase no ataque que fosen
froito das boas defensas realizadas, pero sería no xogo estático cando o
movemento de balón faría crear boas situacións de lanzamento que acabarían en
canastra. Grazas a esto, conseguíase aumentar a vantaxe ata os 9 puntos ó
remate do terceiro periodo (30-39).
Quedaba todo visto para o último
periodo, xusto cando BCA colocaba unha defensa zonal que atascaría os primeiros
ataques dos arteixáns. Os arteixáns contestaban cunha zona 2-3, que anulaba as
posibilidades ofensivas dos homes altos locais, rompendo o marcador dende o
minuto 5, para chegar ó final do partido cun 34-51 no marcador.
A próxima semana o C.B. Arteixo terá
xornada de descanso (non hai liga) pola festividade do Entroido, reanudando a
competición o fin de semana do 16 e 17 de febreiro.
C.B. Arteixo
Miguel Cruz, Darío, Natahel, Juanlu,
Jonathan, Miguel Díaz, Javi, Leo, Iván, Antón, Adrián
Ad: Jose Ríos
No hay comentarios:
Publicar un comentario