Senior 4ª división: C.B. Arteixo 61-50 ADFRO

Partido xogado contra o domingo contra ADFRO no Pazo dos Deportes de Arteixo, o domingo ás 19:00 horas.

Primeira victoria de 2013 e primeira victoria como local para o equipo dirixido por Germán ante un ADFRO mermado polas baixas, e que na metade do primeiro periodo perdía por lesión a Castro.

O partido comezou mal para os de Arteixo, floxos en defensa e no balance defensivo, o que permitía ós visitantes coller as primeiras vantaxes no marcador, chegándose ó final do primeiro periodo cun 8-13 no marcador.

No segundo periodo seguía a mesma tónica que no primeiro. Mal balance defensivo e desacerto no ataque. Un cambio defensivo a individual a toda pista, cambiou a intensidade dos locais o que sumado a dúas triplas de David, unha sobre a bocina de final de periodo, fixo que os xogadores de Germán reducisen as diferenzas que estaban preto dos 10 puntos ata 5. 22-27 ó descanso.

Despois do descanso aumentou a intensidade defensiva local, o que propiciou que o periodo fose igualado xa que se permitían moitos rebotes ofensivos ós visitantes, que seguían realizando o xogo que lles conviña para manterse por diante no marcador. Unha nova tripla sobre a bocina do periodo, esta vez de Héctor, deixaba o marcador en 4 puntos de diferenza e todo por decidir no último periodo. 38-42.

No último periodo deu froito a defensa presionante local, deixando en 8 puntos ós visitantes con só unha canastra en xogo. A esto hai que unirlle a mellora no rebote defensivo, a selección de tiro en ataque e o acerto nos tiros libres nos últimos 3 minutos para certificar a victoria. Ó final, 61-50 para os xogadores de Germán nun partido bonito e intenso por parte dos dous equipos.

Lamentar a lesión no primeiro periodo de Castro, ó que lle desexamos unha pronta recuperación.

A próxima semana, o C.B. Arteixo visitará ó Ferrol C.B. na procura dunha nova victoria ante un rival complicado, xa que conta con xogadores con moitos anos de baloncesto ás súas costas.

C.B. Arteixo

Germán (2), Cotelo (6), Juan (10), Pavo (3), Víctor (3), David (11), Arkaitz (9), Dylan (2), Adrián (7), Héctor (3), Pablo (0), Dany (5)

Ad: Germán Lozano

ADFRO

Fernández (11). Castro (12), Iglesias (4), Soto (0), Sánchez (9), Navas (8), Palomares (6)

Ad: Alex Taboada