Senior 2ª división: C.B. Arteixo 67-65 Obradoiro CAB

Partido xogado contra o Obradoiro CAB no Pazo dos Deportes de Arteixo, o domingo ás 12:00 horas.

Nova victoria, décima consecutiva, nun partido moi complicado para os xogadores de Fran Lozano.

Comezou a segunda volta da liga cunha nova victoria para os xogadores de FRan Lozano, esta vez diante do Obradoiro CAB, o único equipo que foi quen de vencer ós arteixáns na liga. O resultado indica a igualdade do partido, sobre todo na segunda metade.

O partido comezou fatal para os locais. O equipo estaba descoñecido, practicamente nulo en ataque e moi permisivo na defensa, xogando cómodos os visitantes, dominando o rebote e o marcador. Con este panorama, ós 6 minutos de xogo o marcador era 2-14, o que indica a pasividade local no comezo do partido. Nos seguintes minutos do periodo, houbo unha lixeira mellora no ataque pero sen ser capaces de defender medianamente ben. (10-22)

O partido cambiou claramente no segundo periodo. Os arteixáns comezaron a defender, o aumento da intensidade foi moi evidente e os visitantes xa non xogaban tan cómodos. O marcador comezaba a igualarse pouco a pouco grazas ó traballo defensivo local. Puido ser mellor, pero os locais non estaban acertados de cara ó aro, tanto en contraataques como nos tiros libres. Ó descanso, recuperábase a desvantaxe no marcador para ir ós vestiarios 1 abaixo (31-32)

Na segunda metade xa non houbo os tiróns da primeira e todo foi máis igualado. Os locais poñíanse por diante pero os santiagueses reaccionaron sempre e volveron a poñerse por diante, chegando ó final do terceiro periodo con dous puntos de vantaxe no marcador, 49-51.

No último periodo, máis igualdade, pero neste caso foron os arteixáns os que colleron vantaxe no marcador que a mantiveron. Cando faltaban 2 minutos para rematar o partido, os locais tiñan unha renda de 7 puntos que parecían definitivos, pero os santiagueses non se renderon e varias perdas de balón dos locais provocadas por boas defensas visitantes e algunha que outra precipitación no ataque local, provocaron un parcial de 0-6 que poñía a diferenza no marcador nun punto. Ó final, 67-65 para os nosos, nun partido moi sufrido que os segue deixando na cima da clasificación.

A próxima semana o C.B. Arteixo visitará no derby da categoría ó Carballo Basket Xiria o sábado 26 de xaneiro ás 18:00 horas no Pavillón da Zona Escolar de Carballo.

C.B. Arteixo

Rober (4), Álex (6); Guille Conchado (8), Guille Vilanova (3), Manu (8), Edu (6), César (8), Rober (7), Mindi (4), David (13)

Ad: Fran Lozano

Obradoiro C.A.B.

Estévez (9), Seoane (6), Ramos (0), Gómez (0), Rodríguez (0), Sánchez (9), Zugasit (2), Vázquez (23), Reigosa (2), Martínez (9), Turkovic (5)

Ad: