Partido que se xogou o domingo 13
nas instalacións de Elviña I ás 10:00 horas entre o C.B. Arteixo e o BCA
Maristas B.
Nesta xornada, Andrea contaba con
seis nenas, unha delas alevín, Aitana, para poder realizar algún cambio e dar
descanso ás súas xogadoras durante o partido ante a ausencia de Miriam.
Comezaron o primeiro cuarto Angélica,
Noelia, Sonia, Laura e Victoria. Cuarto moi igualado, gañando o primeiro
parcial o equipo rival (6 – 7). Con anotacións fáciles debaixo de canasta e
entradas con bo acerto.
Xa no segundo cuarto comezaron a
notarse as diferenzas entre un equipo e outro, as xogadoras do C.B. Arteixo
puxéronlle ganas, pero non foron suficientes para parar ás rivais, que buscaban
e conseguían anotar facilmente dende debaixo do aro, grazas aos rebotes
ofensivos que conseguían. Aínda así, os pases interiores cara Sonia axudaron
moito as xogadoras locais. (4 – 10)
Despois do descanso, dando comezo ó
terceiro cuarto, saíron moi animadas e con moitas ganas as xogadoras de Andrea,
conseguindo así gañar o parcial (8 – 4) axudándose de cortes e contraataques
fáciles.
Foi nos últimos 10 minutos onde se
notou o cansancio das locais, que con só unha xogadora no banquillo, tiveron
que facer un último esforzo intentando que as rivais non se lles fosen moito no
marcador. Víronse erros na defensa e en tiros curtos ó aro, con rebotes que
resultaban complicados. (8-16)
Seguen con moitas ganas e cada
xornada máis motivadas as xogadoras do C.B. Arteixo, sen ver tan lonxe unha
nova vitoria para o equipo.
C.B. Arteixo
Aitana ; Victoria (2); Angélica (4);
Noelia (2); Sonia (10); Laura (8)
Ad.: Andrea Álvarez
No hay comentarios:
Publicar un comentario