Recibía o C.B. Arteixo o domingo ás
10:00 horas no Pazo dos Deportes de Arteixo ó ACB Costa da Morte.
Presentábase un partido axustado,
debido ó ocorrido no partido da primeira volta, no que os arteixáns só foron
capaces de despegarse no marcador no último periodo para gañar por 15 puntos de
diferencia.
Así comezaba o primeiro periodo,
igualado, con moitas imprecisións dos xogadores de Jose, que deixaban correr ós
da Costa da Morte a placer, deixándolles moi fácil a consecución de canastras.
Remataba o primeiro periodo 16-16.
O segundo periodo, foi moi similar ó
primeiro, pero 2 minutos de intensidade defensiva local, daban as primeiras
vantaxes ós arteixáns, que se poñían 11 arriba ó descanso (35-24).
Á volta dos vestiarios, os locais
concienciáronse ben da situación do partido. Os visitantes pecháronse nunha
zona e os locais conseguían anotar lanzamentos continuamente, abrindo máis a
diferenza no marcador e anulando a subida do balón visitante cunha presión
intensa. Chegábase ó final do terceiro periodo cun 53-30 no marcador.
No último periodo, continuou o bo
traballo defensivo dos locais, aproveitando os ocos na defensa visitante para
continuar anotando e ampliando a vantaxe. Chegouse ó final do partido cun 71-36
no marcador.
C.B. Arteixo
Miguel C; Darío; Juanlu; Jonathan;
Miguel D; Javi; Leo; Iván; Antón.
Ad: Jose Ríos
No hay comentarios:
Publicar un comentario