Senior 4ª división: C.B. Laracha 52 - 40 C.B. Arteixo

Visitaba o C.B. Arteixo ó C.B. Laracha no clásico derby dos últimos anos da competición. O partido xogouse no IES Agra de Leborís ás 20:00 horas do sábado.

Presentábase un derby desigual debido ás diferentes posicións que ocupan os equipos na táboa, pero un derby sempre é un derby.

Saíron os locais moi enchufados de actitude no partido, cousa que os visitantes non fixeron. Aínda con eso, a diferenza a favor dos locais non era moita debido ó pésimo acerto de cara ó aro por parte dos dous equipos. (9-4)

No segundo periodo os xogadores de Jaime Martínez conseguían ter mellores posicións de tiro, pero seguían sen ter o habitual acerto de cara ó aro, de feito só conseguiron unha tripla en toda a primeira metada. Por parte dos xogadores de Germán, seguían os nervios e a mala toma de decisións no ataque. Menos mal que o compensaban co traballo en defensa e no rebote. Chegouse ó descanso con vantaxe de 10 puntos para os locais (22-12).

Cambiou a actitude dos arteixáns despois do descanso, saíron máis agresivos na defensa e no ataque conseguían anotar as boas situacións de xogo traballadas. Conseguiuse reducir a desvantaxe mediado o periodo, pero un arreón local xunto con varios ataques sen anotar fixo que a vantaxe seguise rondando os 10 puntos (34-26)

No último periodo seguiu a tónica do terceiro, os arteixáns apretando en defensa e en ataque, reducindo a distancia por debaixo dos 6 puntos, mentres que os locais ían aguantando e racionando a vantaxe que tiñan dende o descanso. A falta de 2 minutos, unha falta antideportiva a favor dos locais deulles tiros libres e posesión para volver a diferenza ós 10 puntos e aegurar que a victoria se quedase na casa. (52-40)

Gran partido de sana rivalidade entre os dous equipos. Agora chega o parón de Nadal, polo que a liga volverá para o C.B. Arteixo o sábado 12 de xaneiro ás 10:00 horas no Pavillón de Tarrio contra o Fundación Tarrío, no partido que dará comezo á segunda volta da liga.

C.B. Arteixo

Germán (0), Cotelo (7), Juan (4), Pavo (11), Víctor (2), Arkaitz (4), Dylan (3), Adrián (1); Yassir (2), Héctor (2), Pablo (4), Dany (0)

Ad: Germán Lozano

C.B. Laracha

Abel (2), Jota (14), Chapi (12), Carlos (4), Cotelo (0), Lucas (3), Brais (12), Eloy (2), André (3)

Ad: Jaime Martínez