Recibía o equipo junior ó Maristas
Coruña o domingo ás 19:00 horas no Pazo dos Deportes de Arteixo. O obxectivo do
partido era volver á senda do bo xogo despois de varias semanas malas, e se se
podía, levarse a victoria no partido.
Comezou o partido cos xogadores de
Germán despistados na defensa e sen pelexar moito o rebote, o que lle permitía
ós visitantes anotar con facilidade en contraataque. Rematou o periodo 7-14.
No segundo periodo, cambiou a cara
dos arteixáns. Apretaron na defensa e estiveron máis acertados de cara ó aro, e
sobre todo, pecharon o rebote para non conceder demasiadas oportunidades de
anotar ós visitantes. Chegouse ó descanso cun 18-20 no marcador.
Á volta do descanso, os arteixáns
non saíron todo o concentrados que deberían, o que aproveitaron os visitantes
para coller vantaxes próximas ós 10 puntos. Remontaron e rebaixaron a
desvantaxe os locais, pero varias malas decisións no ataque volveron a
diferenza ós 9 puntos ó rematar o periodo (28-37)
No último perido, os locais trataron
por tódolos medios de reducir a desvantaxe, pero cando conseguían achegarse, as
malas decisións no ataque con perdas de balón ou con tiros mal seleccionados
non permitiron que a victoria quedase en Arteixo. Finalizou o partido 40-48 a
favor dos colexiais.
Parón de Nadal para os xogadores de
Germán, que lles servirá para seguir traballando e mellorando pouco a pouco.
Destacar tamén, que á volta do Nadal volverá Damián ós adestramentos despois de
dous meses de baixa.
A competición reanudarase para o
C.B. Arteixo a fin de semana do 12 e 13 de xaneiro visitando ó C.B. Cambre en
horario aínda por coñecer.
C.B. Arteixo
Edu (8); Eloy (0); Nico (0); Dani (12);
Manu (8); Diego (0); Adrián (0); Jacobo (0); Fabián (12); Richi (0)
Ad: Germán Lozano
Maristas Coruña
López (0), Suárez (0), Escariz (4),
Martínez (9), Toca (11), Carreira (2), A Martínez (7), Lago (4), Sández (1),
Corrego (10)
Ad: Roi Iglesias
No hay comentarios:
Publicar un comentario