Senior 2ª división: C.B. Arteixo 52 - 46 C.B.A.

Recibía o C.B. Arteixo ó C.B.A. nun partido que decidía o liderato do grupo ó rematar a primeira volta da liga a próxima xornada. Chegaban os dous equipos cunha soa derrota no seu casilleiro, polo que se presentaba un partido moi igualado. O partido deu comezo o domingo ás 12:00 horas no Pazo dos Deportes de Arteixo.

O partido comezou bastante ben para os locais, que acadaban unha vantaxe de 7 puntos, que se quedaron en 6 ó final do periodo (15-9).

No segundo periodo o marcador moveuse moi pouco a pouco debido ós erros no tiro e ás perdas de balón (sobre todo nos locais). Ó descanso chegouse cun 22-20 para os arteixáns e coa sensación de que o partido estaría igualado ata o final.

A segunda metade comezaba igual, os arteixáns por diante no marcador, pero con vantaxes mínimas sen poder romper o partido (38-33).

No último periodo, os visitantes colocan unha zona 2-3 que atasca ós locais no ataque pero que os visitantes non poden aproveitar grazas á boa defensa local. Chegouse ós dous últimos minutos con 4 puntos de vantaxe para os locais, pero dúas boas defensas e o acerto nos tiros libres dan a victoria e o liderato ós arteixáns despois deste duro e intenso partido. Ó final o marcador reflexaba un 52-46.

Agora veñen as vacacións de Nadal, que parará a liga ata o 12 de xaneiro no que os C.B. Arteixo visitará ó Rosalía de Castro de Santiago ás 16:00 horas no Pavillón do Instituto Rosalía de Castro de Santiago. Partido que dará fin á primeira volta da liga.

C.B. Arteixo

Rober Garnelo (0); Iván (3); Diego (13); Álex (9); Guille Conchado (5); Guille Vilanova (-); Manu (6), Edu (5); César (2); Rober Vilariño (2); Mindi (0); David (7).

Ad: Fran Lozano

C.B.A

C López (-), Vázquez (10), Campos (0), Cabanas (2), Pernas (5), I Suárez (0), G

Suárez (0), J Suárez (22), Marcos (-), I López (7), Alfaya (-)

Ad: Ramón García