Senior 4ª división: C.B. Arteixo 46-59 C.B. Cambre

Partido xogado contra o C.B. Cambre no Pazo dos Deportes de Arteixo, o domingo ás 19:00 horas.

Presentábanse tódolos xogadores de Germán dispoñibles e con boa moral despois do bo partido disputado o xoves. O partido comezou cos arteixáns en boa forma, endosando un parcial de 10-4 nos primeiros 3 minutos de xogo. A partir de aí, deixaron de xogar con cabeza, sen meter balóns interiores e frouxeando na defensa pouco a pouco e permitindo numerosos rebotes de ataque ós cambreses (tónica xeral durante todo o partido), o que levou a que o periodo rematase cun 12-24 a favor dos xogadores de Diego Fernández.

No segundo periodo, volveron os arteixáns a apretar na defensa e a xogar con sentido, reducindo a vantaxe cambresa por debaixo dos 10 puntos, pero as faltas concedendo tiros libres e o renacer dos visitantes, fixeron que a vantaxe fose aumentando de novo ata chegar á máxima xusto ó descanso (23-40).

Despois do descanso saíron despistados os locais, propiciando un novo despegue dos visitantes por riba dos 20 puntos. Mediado o periodo, reaccionaron os xogadores de Germán para reducir pouco a pouco a diferenza e chegar ó último periodo con opcións de pelexar o partido. Mellorou a circulación do balón e a porcentaxe de tiro, así como o nivel defensivo. Finalizou o periodo 37-49.

No último periodo, os arteixáns intentaron darlle a volta ó marcador, pero non foron capaces froito do seu desacerto de cara ó aro e a certos despistes na defensa que propiciaron canastras fáciles para os de Diego. Finalizou o partido 46-59.

A próxima semana o C.B. Arteixo visitará ó C.B. Laracha no derby que se está convertindo nun clásico nas últimas 5 tempadas. Presumiblemente o partido será o sábado ás 20:00 horas no IES Agra de Leborís de A Laracha.

C.B. Arteixo

Germán (0), Cotelo (2), Juan (13), Pavo (5), Víctor (6), Arkaitz (4), Dylan (5), Adrián (2), Yassir (2), Héctor (2), Pablo (2), Dany (3)

Ad: Germán Lozano

C.B. Cambre

Prieto (0), Loureiro (0), Fio (12), Cabado (0), Calatrava (13), Maroño (12), Blanco (0), Torres (6), Carral (-), París (16), Soto (0), Casteleiro (-)

Ad: Diego Fernández