Horarios para a última xornada do ano 2012

Volven a escena tódolos equipos do C.B. Arteixo despois do parón pola Ponte da Constitución. Anque por outra banda, é a última xornada do ano 2012 debido ó parón do Nadal (ata o 13 de Xaneiro non volve a haber xornada).

O primeiro equipo en xogar o seu partido é o C.B. Arteixo cadete, que visita ó C.B. Sant Yago na xornada que abre a segunda volta da liga. Os xogadores de Jose, intentarán levarse unha victoria que se lles escapou no partido de ida despois dun mal cuarto periodo. O partido disputarase o sábado ás 16:00 horas no Polideportivo Municipal Elviña I de A Coruña.

O seguinte partido xogarao o C.B. Arteixo alevín mixto que xogará contra o Liceo A. Os rapaces e rapazas de Arkaitz, tratarán de seguir mellorando co paso das semanas e da competición e poder achegarse a pelexar o partido co equipo contrario. O partido disputarase o sábado ás 18:45 horas no Polideportivo de A Sardiñeira de A Coruña.

O último partido da xornada do sábado será o derby entre o C.B. Laracha e o C.B. Arteixo senior de 4ª división. Partido que se está convertindo nun clásico dende hai varias tempadas. Os xogadores de Germán tratarán de pechar a primeira volta da competición coa segunda victoria da tempada despois de dous bos partidos aínda que se saldaron con derrota. O partido xogarase ás 20:00 horas no IES Agra de Leborís de A Laracha

Xa na xornada do domingo, o C.B. Arteixo infantil masculino recibirá ó BCA 2000. Os xogadores de Edu buscarán seguir mellorando no seu xogo, así como a súa segunda victoria da tempada ante un equipo empatado a victorias na clasificación. O partido xogarase ás 10:00 horas no Pazo dos Deportes de Arteixo.

O C.B. Arteixo infantil feminino viaxará á Coruña para xogar o seu partido contra Los Rosales. As nenas de Andrea tratarán de conseguir outra victoria e así coller confianza no seu xogo para seguir mellorando co paso das semanas de adestramento. O partido disputarase ás 11:15 horas no Polideportivo Elviña I de A Coruña.

Ás 12:00 horas no Pazo dos Deportes vivirase un gran partido da 2ª división senior masculina. O C.B. Arteixo senior de 2ª división recibirá ó C.B.A. no duelo pola primeira posición do grupo norte da liga. Os xogadores de Fran tratarán de seguir coa constancia mostrada nos últimos partidos, recuperar o nivel de xogo das primeiras victorias e encadear outra victoria consecutiva para ampliar o número a 9, xa que só caeron derrotados na primeira xornada ante o Obradoiro de Santiago.

Pecha a xornada do domingo o C.B. Arteixo junior, que recibirá ó Maristas Coruña. Os xogadores de Germán tratarán de olvidar os dous últimos partidos e volver á senda do bo xogo para marchar con bo sabor de boca ás vacacións e continuar traballando nos adestramentos. O partido disputarase ás 19:00 horas no Pazo dos Deportes de Arteixo.