Cadete: Sant Yago 92 - 37 C.B. Arteixo

Visitaba o C.B. Arteixo ó Frutas Esther Sant Yago na primeira xornada da segunda volta da competición. Presumíase un partido igualado, xa que na primeira volta os coruñeses conseguían distanciarse no marcador no último periodo despois dun partido igualado ata ese momento. O partido comezou ás 16:00 horas no Polideportivo Municipal de Elviña I de A Coruña.

Presentábanse os arteixáns con varias baixas, encabezadas polo adestrador Jose con apendicitis e seguidas por Javi e Juanlu.

Non comezaron mal os arteixáns, movendo o balón en ataque e superando a defensa individual dos locais. Pero mediado o periodo, dúas triplas consecutivas dos locais fixeron que aparecesen as primeiras vantaxes para os locais, que chegou ós 6 puntos ó final do periodo (15-9).

No segundo periodo, seguiu a tónica da igualdade, pero varias boas defensas dos locais, xunto coas perdas de balón dos arteixáns fixeron que a vantaxe crecese ata os 15 puntos (34-19).

A partir do descanso veu a debacle dos de Arteixo, as lesións de Iván e Natahel mermaron a rotación de Germán e a defensa presionante a toda pista dos locais fixo que se rompese o partido grazas ó nivel físico dos locais e ás perdas de balón visitantes (58-27).

O último perido foi similar ó terceiro, os locais presionando a toda pista alternando 1-3-1 e 2-2-1 mentres que os arteixáns se quedaban con só 5 efectivos dispoñibles pola eliminación de Darío e Miguelón. Aguantaron como leóns na pista Jonathan, Leo, Antón, Adrián e Miguelín, sendo capaces de romper varias veces consecutivas a presión local e conseguir lanzamentos cómodos moitas das veces e anotar en posicións fáciles en varias accións. Ó final, 92-37 no marcador.

O C.B. Arteixo terá tres semanas para recuperar lesionados e preparar o seguinte partido contra o Santo Domingo de Betanzos o domingo 13 de xaneiro ás 10:00 horas no Pazo dos Deportes de Arteixo.

C.B. Arteixo

Miguel Cruz, Darío, Natahel, Jonathan, Miguel Díaz, Leo, Iván, Antón e Adrián.

Ad: Germán Lozano

Frutas Esther Sant Yago

Fernández, Parada, Conde, Arbones, O Pérez, J Pérez, J Pérez, Alonso e Pastor

Ad: Félix Bañobre