Senior 4ª división: C.B. Arteixo 45 - 72 Ventorrillo

Partido xogado contra o Ventorrillo no Pazo dos Deportes de Arteixo, o domingo ás 19:00 horas.

Para este partido, Germán non podía contar con Víctor nin con Diego por lesión. Polo que foi da partida Manuel do equipo junior.

Comezou o partido como sempre, cos arteixáns regalando o primeiro periodo ó equipo visitante. Nulos en ataque, con malas decisións e faltos de axuda na defensa. Desta vez o parcial foi de 4-24.

Cambiaron as tornas no segundo periodo, os arteixáns cambiaron a actitude e melloraron o acerto de cara ó aro. Chegaron a poñerse a 15 puntos, pero varios ataques errados propiciaron que a vantaxe visitante ó descanso fose de 21 puntos (17-38).

Continuaba a mellora na actitude por parte dos arteixáns, pero sen ser capaces de recortar distancias no marcador. Conseguían reducir no nivel de anotación dos visitantes, pero non conseguían anotar dende o exterior, baseando todo en penetracións e balóns interiores. Ó final do periodo 28-51.

O último periodo, cos arteixáns fundidos físicamente e sen esperanzas de remontar, foi o mellor dos locais, sobre todo no acerto no lanzamento (17 puntos), pero as lagoas en defensa do primeiro periodo volvían a escena. Ó final do parrtido, 45-72 para os visitantes.

Bo partido dos arteixáns, que non se dan concienciado de que os partidos comezan no minuto 1 e non no minuto 11. Cabe destacar que tódolos xogadores conseguiron anotar no partido.

A próxima semana o C.B. Arteixo visitará ó IDEFIC o venres 30 de novembro no Pavillón da Antiga Facultade de Maxisterio de A Coruña ás 20:45 horas

C.B. Arteixo

Germán (1), Cotelo (7), Juan (2), Manu (2), Pavo (6), Arkaitz (7), Dylan (2), Adrián (2), Yassir (9), Héctor (2), Pablo (2), Dany (3)

Ad: Germán Lozano

Ventorrillo

Alonso (3), Iglesias (9), Cotelo (7), No (6), Valeiro (1), Vieites (12), A. Lamela (2), Fernández (23), Aruñedo (7), Vázquez (0), R Lamela (0), Rubianes (2)

Ad: Javier Riestra