Recibía o C.B. Arteixo ó Cenor Cluny
o domingo ás 12:00 horas no Pazo dos Deportes de Arteixo. Contaban os locais
coa baixa de Rober Vilariño.
Quinta victoria consecutiva para o
C.B. Arteixo nun partido raro, que máis que un partido pareceu que foron dous,
cun para cada equipo.
Na primeira parte o C.B. Arteixo foi
moi superior ó Cenor Cluny con vantaxes que chegaron a ser de 28 puntos no
segundo periodo, no que os locais anotaron 29 puntos, deixando unha renta de 24
puntos ó descanso (49-25).
Na segunda parte, todo o contrario.
Os de Cluny saían moi intensos e os arteixáns descentrados e un pouco relaxados
pensando que o partido estaba gañado. No terceiro periodo, os santiagueses
chegaron a poñerse a 15 puntos , pero ó final do periodo a distancia estaba nos
20 puntos (65-45).
No último periodo, a falta de
concentración dos locais provoca que o Cenor Cluny se acerque por debaixo dos
10 puntos despois de varias perdas de balón que se saldaban con malos balances
defensivos e varias triplas.
Ó final, 11 puntos de vantaxe
(80-69) que, se ben deixan a victoria en Arteixo, tamén deixan unha sensación
de que o equipo se deixou ir en exceso.
Destacar o debut da última fichaxe
do equipo, Rober Garnelo.
A próxima fin de semana, o C.B.
Arteixo ten xornada de descanso.
C.B. Arteixo
Rober G (0); Iván (0); Diego (16);
Álex (7); Guille Conchado (13); Guille Vilanova (2); Manu (15); Edu (11); César
(2); Mindi (8); David (6).
Ad: Fran Lozano
Cenor Cluny
López L (13); Rico (); Ramos (); S
(); Seoane (); Rodríguez (); Catoira (); López E (); González (); Pazo ();
Pereiro (); Rodríguez-Segade ()
Ad: Souto
No hay comentarios:
Publicar un comentario