Junior: C.B. Arteixo 42 - 72 Norinver Narón

Partido disputado o domingo ás 17:00 horas no Pazo dos Deportes de Arteixo. Recibía o C.B Arteixo ó Norinver Narón coa intención de seguir mellorando no xogo e a de conseguir a segunda victoria da tempada.

O partido comezou cun 0-12, dos cales 8 puntos foron contraataques de 1x0. A partir de aí, parcial de 6-5 a favor dos locais grazas á mellora na defensa e á circulación de balón no ataque. Ó final do periodo 6-17 para os de Narón.

O segundo periodo foi similar ó primeiro. Os de Narón ían aumentando pouco a pouco a vantaxe no marcador debido á debilidade defensiva dos locais. Ó descanso a renda a favor dos de Narón era superior ós vinte puntos (14-37).

O terceiro periodo foi o mellor dos locais, cambiando a actitude defensiva, movendo o balón en ataque, acertados de cara ó aro; o que lles levou a gañar este terceiro parcial (31-52)

No úlitmo periodo, seguiu o bo xogo dos locais en ataque, pero en defensa víronse superados de novo polos visitantes, que aproveitaron para aumentar a súa vantaxe ata os 30 puntos do final do partido (42-72).

A próxima semana o C.B. Arteixo visitará ó Tirso de Molina, equipo que aínda non coñece a derrota nesta primeira volta da liga.

C.B. Arteixo

Eloy (0); Nico (2); Dani (16); Manu (13); Damián (2); Diego (1); Adrián (2); Jacobo (0); Brais (2); Fabián (4); Richi (0)

Ad: Germán Lozano

Norinver Narón

Pita (4); Pena (0); López (8); Durán (0); Balsa (20); Rey (24); Goude (14); Castro (2); Rodríguez (0)

Ad: JM Pérez